Վաչնադյան :: ՀԱՅԱՍՏԱՆԻ ՏԵՂԱՆՈՒՆՆԵՐ

Հուշարձան

Վրաստան (Երկիր) / Կախեթ (Մարզ) / Գուրջաան (Շրջան) / Վաչնադյան (Գյուղ)

Տեղադրություն

Գտնվում է Ալազան գետի աջակողմում` գետափից 4-5 կմ հեռու:

Սամվել Կարապետյան, Հայերը Կախեթում, Երեւան, 2004, էջ 37:

Պատմություն

Նախախորհրդային տարիներին մտնում էր Թելավի գավառի մեջ:

Սամվել Կարապետյան, Հայերը Կախեթում, Երեւան, 2004, էջ 37:

Բնակչություն
1818 թ․

Միակ վավերագիրը, որտեղ նշված է, թե Վաչնադյանում 7 ընտանիք (21 ար., 13 իգ.) հայ բնակիչ կար առանց եկեղեցու և քահանայի, թվագրված է 1818 թ.:

Հայաստանի ազգային արխիվ, ֆ. 53, ց. 1, գ. 2569, թ. 15:

1874 թ․

Հետագա աղբյուրները գյուղում այլևս հայ բնակչության առկայություն չեն փաստում: 1874 թ. Վաչնադյանն ուներ 1336, իսկ 1914-ին՝ 1509 միայն վրացի բնակչություն:

“Кавказский календарь на 1886 г.”, Тифлис, 1885, с. 118. “Кавказский календарь на 1915 г.”, Тифлис, 1914, с. 104.

1818 թ․

Ուշագրավ է 1818 թ. կազմված բնակիչների հետևյալ անվացուցակը. «Յովսէփի որդի՝ դալլաք Յարութիւնի կինն՝ Բէգզադ, որդիք՝ Սարգիս և Աբրամ, դուստր՝ Էլիսաբէդ և եղբօր՝ Յակոբի որդի՝ Ադամ: Բադալի որդի՝ դալլաք Պօղօս, կինն՝ Մարիամ, որդիք՝ Յոհաննէս և Եսայի, դստերք՝ Մարթայ, Մարմար և Էլիսաբէդ: Ղարաբաղցի Ալլահվէրդի, կինն՝ Հէրիք, որդիք՝ Սահակ, Գաբրիէլ և Սարգիս, դուստ Մարթայ: Ռօստօմի որդի՝ Գաբօ, կինն՝ Էլէնէ, որդիք՝ Ռօստօմ, Մարտիրոս և Իւանէ: Թիֆլիզցի Ղազար, կինն՝ Մայի, որդի՝ Աբրահամ: Թիֆլիզցի ջուլհակ Գիօրգի, կինն՝ Թինաթին, որդի՝ Աղայ, դուստր՝ Էլիսաբէդ, ևս եղբայր Սօսի: Ճօն Գիօրգի, կինն՝ Քալիա»:

Հայաստանի ազգային արխիվ, ֆ. 53, ց. 1, գ. 2569, թ. 15:

Ի դեպ, ըստ վավերագրի, գյուղի յոթ հայ ընտանիքից մեկը ծագումով Ղարաբաղից էր, երկուսը՝ թիֆլիսցի: