Հաճավ :: ՀԱՅԱՍՏԱՆԻ ՏԵՂԱՆՈՒՆՆԵՐ

5 — 19 դդ․ 13 Հուշարձան

ԼՂՀ (Երկիր) / Քարվաճառ (Շրջան) / Հաճավ (Գյուղ)

Տեղադրություն

Քարվաճառ շրջկենտրոնից 3,5 կմ հյուսիս, խոր ձորով հոսող վտակի ձախակողմյան ամֆիթատրոնաձեւ տեղանքի վրա, ծովի մակերեւույթից 1690-1820 մ բարձրությամբ անտառազուրկ ձորալանջին փռված է գավառի պատմական նշանավոր գյուղերից մեկը՝ Հաճավը:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 49:

Պատմություն
13 դ․

Գյուղի մասին մեզ հայտնի գրավոր առաջին հիշատակությունը XIII դարից է, իսկ երկրորդ հիշատակությունը՝ միայն 1661 թվականից, այնուամենայնիվ տեղում պահպանված XII-XIII դարերի շուրջ մեկ տասնյակ խաչքարերը վկայում են, որ գյուղն առնվազն միջնադարից եղել է գավառի առավել մարդաշատ ու ծաղկուն բնակավայրերից մեկը:

ՀՀՊՊԿԱ, ֆ. 57, ց. 1, գ. 4, թ. 4։ Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 49:

Կառուցապատում

Հաճավը մեկն է գավառի այն հին բնակավայրերից, որն առ այսօր պահպանել է դեռեւս միջնադարում կազմավորված իր հատակագծային առանձնահատկությունները (ինչպես օրինակ՝ Ծար, Մոս, Ճրագ եւ այլ գյուղերում): Աչքի են զարնում լերկ ժայռազանգվածների վրա խիտ կառուցապատումը, փողոցների երկայնքով, հսկա քարերով շարված երկար հենապատերը եւ հայկական հին գյուղերին բնորոշ այլ հատկանշական մանրամասներ:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 49:

Նկարագրություն
1950 թ․

1950-ական թվականներից թրքացած քրդերի հանգրվան այս գյուղը հայտնի Էր նախ՝ Մոլոտով, ապա՝ Օկտյաբրքյանդ անուններով:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 49:

Տեսակը Լուսանկար
Տեսքը արտաքին
Ուղղությունը ⇓ Հարավից
Հեղինակը Սամվել Կարապետյան
Աղբյուրը Գունավոր նեգատիվ

Տեսակը Լուսանկար
Տեսքը արտաքին
Ուղղությունը ⇓ Հարավից
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Անվանում	Հիշ. ժամանակը	Ստուգաբանություն
Օկտյաբրքյանդ
Մոլոտով