Յաղուբլու :: ՀԱՅԱՍՏԱՆԻ ՏԵՂԱՆՈՒՆՆԵՐ

8 Հուշարձան

Ադրբեջան (ոչ Արցախ) (Երկիր) / Վարդաշեն (Շրջան) / Յաղուբլու (Գյուղ)

Տեղադրություն

Գտնվում է շրջկենտրոնից շուրջ 20 կմ հարավ, Վարդաշեն–Եվլախ մայրուղու ձախ կողմում։

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 93:

Պատմություն

Գյուղի վերաբերյալ մատենագրական տեղեկություններ չեն պահպանվել, սակայն պահպանված հուշարձանների ուսումնասիրությունից պարզվում է, որ այն առնվազն միջնադարից արդեն գավառի խոշոր ու ծաղկուն բնակավայրերից էր։ Յաղուբլուն ծննդավայրն է ճալեթի վանքում նստած Աղվանից Արիստակես կաթողիկոսի։

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 93:

Բնակչություն
18 դ․

Գյուղի բնակչությունը, դիմագրավելով բոլոր ահեղ փորձություններին (մանավանդ XVIII դարի կեսերի կրոնական հալածանքներին), նույն դարի վերջերին համալրվել է ի հաշիվ արցախահայ գաղթականության։

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 93:

1918 թ․

Մինչեւ 1918 թ. զուտ հայաբնակ, ներկայում ադրբեջանական թուրքերով բնակեցված գյուղ է:

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 93:

Նկարագրություն

Գյուղամիջի Սբ. Մինաս և Սբ. Գրիգոր Լուսավորիչ եկեղեցիները ներկայում գոյություն չունեն։ Պահպանվում են երկու գերեզմանոցները: Գյուղում պահպանվում են հայ բնակիչներից մնացած քարաշեն ամրակուռ բնակելի շենքերը։

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 93:

Անվանում	Հիշ. ժամանակը	Ստուգաբանություն
Հակոբի Շեն

Բնակչություն.

Թվական	Հայ ընդամենը	Նշումներ	Աղբյուր
1886	1126		“Кавказский Календарь на 1894 г.”, Тифлис, 1893, с. 169.
1914	1357		“Кавказский Календарь на 1915 г.”, Тифлис, 1914, с. 214.