Նինոծմինդա :: ՀԱՅԱՍՏԱՆԻ ՏԵՂԱՆՈՒՆՆԵՐ

2 Հուշարձան

Վրաստան (Երկիր) / Ջավախք (Գավառ) / Նինոծմինդա (Շրջան) / Նինոծմինդա (Շրջկենտրոն)

Տեղադրություն

Գտնվում է Ջավախքի հարավարևելյան կողմում, Գյումրի-Ախալքալաք մայրուղում, ծ. մ. 1920-1960 մ բարձրության վրա, Խանչալի լճի արևելյան ափից հազիվ 2 կմ հեռու։

Սամվել Կարապետյան, Ջավախք, Երևան, 2006, էջ 413:

Պատմություն
19 — 20 դդ․

Ամբողջ ԺԹ դարում Բոգդանովկան սովորական մի գյուղ էր` միջինից էլ դեռ ավելի փոքր չափերով։ Խորհրդային կարգերի հաստատումից հետո Բոգդանովկան վերածվեց համանուն շրջանի կենտրոնի։ Շուտով այն դարձավ ավան, իսկ 1983 թ. հունիսի 6□ին ստացավ շրջանային ենթակայության քաղաքի կարգավիճակ։ 1990 թ. պաշտոնապես Նինոծմինդա վերանվանված նախկին Բոգդանովկան համանուն շրջանի կենտրոնն է։

Սամվել Կարապետյան, Ջավախք, Երևան, 2006, էջ 413:

Բնակչություն
1909 — 1914 թթ․

1909 թ. զուտ ռուսաբնակ (դուխոբորներ) Բոգդանովկան ունեցել է 33 տուն, 398 շունչ, իսկ 1914 թ.՝ 554 բնակիչ:

“Тифлисский листок”, 1909, N 191, էջ 5: “Кавказский календарь на 1915 г.”, Тифлис, 1914, էջ 100: Սամվել Կարապետյան, Ջավախք, Երևան, 2006, էջ 413:

1926 — 1987 թթ․

Ժամանակի ընթացքում Բոգդանովկայի հիմնադիր ռուսների մի մասը հեռացել է հայրենիք։ Նրանց փոխարեն այդտեղ բնակություն են հաստատել շրջակա գյուղերից հեռացած հայեր և քիչ թվով վրացիներ։ 1926 թ. քաղաքն ուներ 69 տուն, 426 շունչ (101 հայ, 295 ռուս, 13 ուկրաինացի, 17 այլազգի), իսկ 1979 թ.՝ 3614 բնակիչ։ Դրանցից 3080-ը հայեր էին, 57-ը՝ վրացիներ, մնացածը՝ հիմնականում ռուսներ։ Գրեթե նույն հարաբերությունը պահպանվում է նաև մեր օրերում։ 1987 թ. Բոգդանովկան ուներ 5868 բնակիչ (1493 տուն)։

Արոյան Ս., Բեկորներ Մշո ջոջ քարի, Երևան, 1997, էջ 123: Սամվել Կարապետյան, Ջավախք, Երևան, 2006, էջ 413:

Երկրորդ աշխարհամարտին Նինոծմինդայից մասնակցել է 500 հոգի, որոնցից 158-ը զոհվել է:

Դավթյան Ա., Ջավախք, Երևան, 1994, էջ 101: Սամվել Կարապետյան, Ջավախք, Երևան, 2006, էջ 413:

Հիմնադրում
1841 թ․

Հիմնադրել են նախ՝ Տամբովի մարզից, ապա նաև երկրորդ հանգրվան Տավրիկյան նահանգից աքսորված ռուս-դուխոբորները 1841 թ.։

Սամվել Կարապետյան, Ջավախք, Երևան, 2006, էջ 413:

Անվանում	Հիշ. ժամանակը	Ստուգաբանություն
Բոգդանովկա