Հմբանավա :: ՀԱՅԱՍՏԱՆԻ ՏԵՂԱՆՈՒՆՆԵՐ

3 Հուշարձան

Իրան (Երկիր) / Արևմտյան Ատրպատական (Նահանգ) / Սալմաստ (Գավառ) / Հմբանավա (Գյուղ)

Տեղադրություն

Գտնվում է Սալմաստ քաղաքից 14,5 կմ արևմուտք՝ ծովի մակերևույթից 1720-1740 մ բարձրության վրա:

Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 300:

Այլ անվանումներ

Վկայվել է նաև Համբանավա, Հոմբանավա, Հոմբանաբադ, Հումբանաբադ, Ճմբանավ և Ճմբանավա անվանաձևերով:

Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 300:

Բնակչություն

Մինչև 1828 թ. գավառի զուտ հայաբնակ գյուղերից էր: Այնուհետև մինչև ԺԹ դարի վերջերն արդեն գյուղում հաստատված քրդերի հետ միասին ուներ սակավաթիվ և ավելի ու ավելի նոսրացող հայ բնակչություն:

Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 300:

Հայտնի է, որ 1828-1829 թթ. հայրենի գյուղը լքած հմբանավացիները հաստատվել են Հայաստանի Հանրապետության Վայոց ձորի մարզի Վերնաշեն գյուղում:

Քաջբերունի, Ճանապարհորդական նկատողություններ, Երևան, 2003, էջ 398:
Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 300:

1897 թ. հերթական, սակայն աննախադեպ հարձակմամբ քրդերն ավերում են Հմբանավան, որի պատճառով էլ գյուղաբնակները վերջնականապես հեռանում են հարազատ բնակավայրից:

«Արմէնիա», 1897, N 6, 11 սեպտեմբերի, էջ 3:
Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 300:

2017 թ. 70 տնով զուտ քրդաբնակ գյուղ էր:

Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 300:

Հեղինակը Սասուն Դանիելյան
Տարեթիվ 2017 թ․

Տեսարան գյուղից

Անվանում	Հիշ. ժամանակը	Ստուգաբանություն
Համբանավա
Հոմբանավա
Հոմբանաբադ
Հումբանաբադ
Ճմբանավ
Ճմբանավա

Միայն 1890-ական թթ.-ից հայտնի վիճակագրական մի քանի տվյալների համադրումը, որից արդեն իսկ երևում է քրդերի ճնշումների հետևանքով հայերի՝ տարեցտարի նվազման իրողությունը, ներկայացնում ենք ստորև.

Թվական	Հայ տուն	Հայ արական	Հայ իգական	Հայ ընդամենը	Նշումներ	Աղբյուր
1890	15					Գորոյեանց Ն., Պարսկաստանի հայերը, Թեհրան, 1968, էջ 179: Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 300:
1893	15					Ուղեւոր, Սալմաստ, «Արմէնիա», 1894, N 31, 3 յունվարի, էջ 1: Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 300:
1895	9	28	34	62	Ի դեպ, գյուղաբնակներից 7 հոգի գտնվում էին պանդխտության մեջ:	«Արարատ», 1896, Բ, էջ 94: Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 300:
1896	8	33	28	61	Ի դեպ, գյուղն ուներ նաև 3 տուն քուրդ բնակիչ:	Պալունի, Վիճակագրական տեղեկութիւն Սալմաստ գաւառի հայ ազգաբնակութեան, «Նոր-Դար», 1896, N 216, 10 դեկտեմբերի, էջ 3: Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 300: