ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Թեմեր 2 Հուշարձան

Իրան (Երկիր) / Արևմտյան Ատրպատական (Նահանգ) / Սալմաստ (Գավառ) / Թեմեր (Գյուղ)

Տեղադրություն

Գտնվում է Սալմաստ քաղաքից 13,5 կմ հարավ-արևելք՝ ծովի մակերևույթից 1380-1390 մ բարձրության վրա:

Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 146:

Այլ անվանումներ

Վկայվել է նաև Թամար անվանաձևով:

Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 146:

Պատմություն

Գյուղամերձ գրեթե երեքհազարամյա բերդերը և այլ հուշարձաններ հուշում են, որ Թեմերը նույնպես հին պատմություն ունի (թերևս ժամանակակից է շուրջը գոյություն ունեցող հուշարձաններին): Հայաթափման ժամանակի վերաբերյալ ևս որոշակի տեղեկություններ չկան, սակայն այն կարող էր տեղի ունեցած լինել կա՛մ մինչև 1828 թ., կա՛մ ճիշտ այդ թվականին: Համենայն դեպս, այս բնակավայրում առնվազն 1828 թ.-ից ի վեր այլևս հայեր չեն ապրել:

Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 146:

Հատկանշական է, որ թրքաբնակ գյուղը նույնպես զերծ չի մնացել քրդերի ավարառու հարձակումներից: Նմանօրինակ ոտնձգության մասին է վկայում 1908 թ. ապրիլյան թղթակցություններից մեկը. «Թամարի վրայ երկու անգամ են յարձակվում. ցերեկը դաշտից անասունների հօտերն են տանում, իսկ գիշերը մտնում են մի յարդանոց և ապա սկսում են ամբողջ գիւղը թալանել»:

Ցոլակ, Վերջին դէպքերը Պարսկաստանում, «Մշակ», 1908, N 89, 26 ապրիլի, էջ 4:
Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 146:

Թեմերի ներկայիս բնակիչները ղաջար թուրքեր են:

Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 146:

Հատկանշական է, որ գյուղամերձ (հյուսիսային կողմում) գտնվող բարձր լեռը տեղացիները ցարդ կոչում են Էրմենի դաղ, որ թարգմանաբար նշանակում է Հայոց լեռ:

Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 146:

Ուղղությունը ⇓ Հարավից
Հեղինակը Սասուն Դանիելյան
Տարեթիվ 2017 թ․

Գյուղը հարավից, գյուղի թիկունքում՝ Էրմենի դաղը

Անվանում	Հիշ. ժամանակը	Ստուգաբանություն
Թամար