ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Կոբալտ Հուշարձան

Ադրբեջան (Երկիր) / Հյուսիսային Արցախ (Տարածք) / Դաշկեսան (Շրջան) / Կոբալտ (Գյուղ)

Տեղադրություն

Գտնվում է շրջկենտրոնից 2 կմ արևելք՝ Ներքին Քարհատ գյուղին դեմ հանդիման՝ Արթինաջրի աջ ձորալանջին:

Սամվել Կարապետյան, Հյուսիսային Արցախ, Երեւան, 2004, էջ 240:

Անվան ծագում

Գյուղի անվանումը ծագել է մոտակա հանքավայրերից:

Սամվել Կարապետյան, Հյուսիսային Արցախ, Երեւան, 2004, էջ 240:

Հանքեր
1880 թ․

Հայտնի է, որ 1880-ական թվականների վերջին հանքատեղին ձեռք բերելու և շահագործելու մեծ ցանկություն է ունեցել գերմանական «Սիմենս» ընկերությունը: Վեճը դատական ընթացք է ստացել, բայց, ի վերջո, վճռվել է հօգուտ գանձակեցի վաճառական, Թարգմանչաց վանքի խնամակալ Ն. Տեր-Ներսիսյանցի: Ահա թե ինչ է այդ մասին 1890 թ. Ամենայն հայոց Մակար Ա կաթողիկոսին հղած իր նամակում գրել հայ վաճառական-արդյունահանողը. «...Կօբալտ անուանեալ մի թանկագին հանքատեղի ունեմ գտած Գանձակայ գաւառումը, որը ձեռքիցս խլելու համար պ. պ. եղբարց Սիմէնսների ներկայացուցիչը ամենայն աններելի միջոցներ, դաւադրութիւններ և կաշառել գործ դրաւ, բայց արդարութիւնը իմ կողմը ունենալով, բարեխոսութեամբ սրբոց Թարգմանչացն մերոց և աղօթիւք Ձերդ Օծութեան այս օրերումս հանքաբանական բարձր իշխանութիւնը յիշեալ Կօբալտի հանքը ինձ վերայ հաստատեց վերջնականապէս, թոյլ տալով գործարան շինելը և արտահանելն կօբալտի արտասահման...»: