ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Քեմերլի Հուշարձան

Ադրբեջան (Երկիր) / Հյուսիսային Արցախ (Տարածք) / Ղազախ (Շրջան) / Քեմերլի (Գյուղ)

Տեղադրություն

Գտնվում է շրջկենտրոնից 26 կմ հյուսիս-արևմուտք՝ Կողբոփորի հովտում, համանուն գետակի երկու ափերին, ծովի մակերևույթից 440-550 մ բարձրության վրա:

Սամվել Կարապետյան, Հյուսիսային Արցախ, Երեւան, 2004, էջ 453:

Պատմություն
19 դ․

Հայաթափ հին գյուղատեղիում ներկայիս թրքաբնակ գյուղը գոյացել է ԺԹ դարի 2-րդ կեսին: Ի դարի սկզբներին այն բաղկացած է եղել վերին և ներքին համանուն մասերից, հետագայում դրանք միաձուլվել են միմյանց և կազմել են շուրջ 5 կմ երկարությամբ մեկ գյուղ:

Սամվել Կարապետյան, Հյուսիսային Արցախ, Երեւան, 2004, էջ 453:

Բնակչության թվաքանակի վերաբերյալ վիճակագրական սուղ տվյալների համադրումը ներկայացնում է հետևյալ պատկերը.

Թվական	Թուրք տուն	Թուրք արական	Թուրք իգական	Թուրք ընդամենը	Նշումներ	Աղբյուր
1886	193	597	423	1020		“Елисаветопольская губерния. свод статистических данных, извлеченных из посемейных списков населения Кавказа”, Тифлис, 1888, с. 146-147. Սամվել Կարապետյան, Հյուսիսային Արցախ, Երևան, 2004, էջ 453:
1914				1557		“Кавказский календарь на 1915 г.”, Тифлис, 1914, с. 150. Սամվել Կարապետյան, Հյուսիսային Արցախ, Երևան, 2004, էջ 453:
1980				2603		«Ադրբեջանական սովետական հանրագիտարան», հ. 5, Բաքու, 1981, էջ 338: Սամվել Կարապետյան, Հյուսիսային Արցախ, Երևան, 2004, էջ 453: