ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Լենինքենդ Հուշարձան

Ադրբեջան (Երկիր) / Հյուսիսային Արցախ (Տարածք) / Շամխոր (Շրջան) / Լենինքենդ (Գյուղ)

Տեղադրություն

Գտնվում է շրջկենտրոնից 10 կմ հարավ-արևելք՝ Շամքոր գետի աջ ափին, ծովի մակերևույթից 410-430 մ բարձրության վրա:

Սամվել Կարապետյան, Հյուսիսային Արցախ, Երեւան, 2004, էջ 493:

Պատմություն
1887 թ․

Հիմնադրվել է 1887 թ., քանի որ 1912 թ. մեծ շուքով նշվել է բնակավայրի 25-ամյակը:

«Տարազ», 1912, N 11, էջ 192:
Սամվել Կարապետյան, Հյուսիսային Արցախ, Երևան, 2004, էջ 493:

1942 թ․

1942 թ. Լենինֆելդը վերանվանվել է Լենինքենդ:

”Азербайджанская ССР. Административно-территориальное деление”, Баку, 1979, с. 211.
Սամվել Կարապետյան, Հյուսիսային Արցախ, Երևան, 2004, էջ 493:

1962 թ․

1962 թ. բնակավայրին տրվել է քաղաքատիպ ավանի կարգավիճակ:

«Ադրբեջանական սովետական հանրագիտարան», հ. 6, Բաքու, 1982, էջ 194:
Սամվել Կարապետյան, Հյուսիսային Արցախ, Երևան, 2004, էջ 493:

Կառուցապատում
1912 թ․

1912 թ. ավանի 25-ամյա տարելիցի կապակցությամբ ականատեսը նշել է. «...իր արտաքին տեսքով թողնում է զուտ գերմանական տպաւորութիւն. նոյն շւաբական տները, տանիքները, բակերը, նոյն իսկ վերանդաները, շատ տներում կարելի է հանդիպել հարմօնիումի, ասիականը միայն սիրուն գորգերն են, որ անհրաժեշտ մասն է կահաւորութեան: ...Կօլօնիստները լութերական են, ունեն եկեղեց. սահմանադրութեան նման մի բան և ժամասացութիւնը և եկեղեցական արարողութիւնները կատարում են ըստ հին, իրենց հետ հայրենիքից բերած ծէսերի...»:

«Տարազ», 1912, N 11, էջ 192:
Սամվել Կարապետյան, Հյուսիսային Արցախ, Երևան, 2004, էջ 493:

Բնակչություն
1941 թ․

Գերմանացի գաղթականների հիմնած գաղութը գերմանաբնակ է եղել մինչև 1941 թ.: Հիմնադիրների աքսորից հետո ավանը բնակեցվել է հանրապետության տարբեր վայրերից փոխադրված ադրբեջանցի-թուրքերով:

Սամվել Կարապետյան, Հյուսիսային Արցախ, Երեւան, 2004, էջ 493:

Մինչև 1988 թ. Լենինքենդում ապրում էին մի քանի տասնյակ հայ ընտանիք: Նրանց բռնագաղթից հետո երբեմնի գերմանական գաղթօջախը դարձել է լիովին թրքաբնակ:

Սամվել Կարապետյան, Հյուսիսային Արցախ, Երեւան, 2004, էջ 493:

Հուշարձաններ
1899 թ․

1899 թ. հնագետ Է. Ռյոսլերը գյուղի տարածքում հայտնաբերել ու պեղել է 9 դամբարանաբլուր, որտեղից հայտնաբերված գտածոները վերաբերել են բրոնզ-երկաթ անցումային դարաշրջանին:

Реслер Э., Археологическия изыскания в Закавказье , "Кавказ", Тифлис, 1903, N 173, 179, c. 2.
Սամվել Կարապետյան, Հյուսիսային Արցախ, Երևան, 2004, էջ 493:

Անվանում	Հիշ. ժամանակը	Ստուգաբանություն
Գեորգիևսկ
Գեորգսֆելդ
Լենինֆելդ

Ստորև ներկայացնում ենք բնակչության թվաքանակի վերաբերյալ վիճակագրական որոշ տվյալներ.

Թվական	Գերմանացի ընդամենը	Նշումներ	Աղբյուր
1908	757		“Кавказский календарь на 1910 г.”, Тифлис, 1909, с. 223. Սամվել Կարապետյան, Հյուսիսային Արցախ, Երևան, 2004, էջ 493:
1912	750		“Кавказский календарь на 1910 г.”, Тифлис, 1909, с. 223. Սամվել Կարապետյան, Հյուսիսային Արցախ, Երևան, 2004, էջ 493:
1914	151		“Кавказский календарь на 1915 г.”, Тифлис, 1914, с. 109. Սամվել Կարապետյան, Հյուսիսային Արցախ, Երևան, 2004, էջ 493: