Մահմեդական գերեզմանոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Մահմեդական գերեզմանոց

ԼՂՀ / Քարվաճառ / Հավսաթաղ

Պատմություն

Խնձորեկից 1,5 կմ հարավ-արևելք՝ Դուտխուի աջ ափով դեպի վեր ձգվող ճանապարհի երկու կողմերում, տարածված է մահմեդական մի գերեզմանոց, որտեղ, բացի մի քանի ռուսատառ թուրքերեն արձանագրություններից, առկա են նաև արաբերեն տապանագրեր, ընդ որում, ամենից հինը՝ 1880/81 թթ.: Սրանք կարևոր են այնքանով, որ իրենց գոյությամբ պարզում են խաշնարած թափառական ցեղերի՝ հին հայկական գյուղատեղիներում հաստատվելու և նստակեցության անցնելու, ըստ այդմ՝ նաև իրենց հանգուցյալներին արդեն կանոնավոր գերեզմանոցներում ամփոփելու վաղ ժամանակաշրջանը:

Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 228:

Հեղինակը Սամվել Կարապետյան
Տարեթիվ 2015 թ․