Գյուլաբի հանգստարան Գերեզմանոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Գյուլաբի հանգստարան Գերեզմանոց

Ադրբեջան / Հյուսիսային Արցախ / Շամխոր / Բադա

Տեղադրություն

Գտնվում էր գյուղամիջում և հայտնի էր «Գյուլաբի հանգստարան» անվամբ:

Սամվել Կարապետյան, Հյուսիսային Արցախ, Երեւան, 2004, էջ 465:

Նկարագրություն
1890 թ․

Դրա վերաբերյալ 1890 թ. ականատես Ս. Քամալյանը նշել է. «Լըղարակ մտնելիս աչքի է ընկնում հանգըստարանը. չորս կողմից բաց լինելով, մի մասով արոտատեղի է գեղի հորթերի և խոզերի համար, ասենք՝ այս երևույթը սովորական է բոլոր հայ գեղերի համար»:

Եղիշե Չարենցի անվան գրականության և արվեստի թանգարան, Ս. Քամալյանի ֆոնդ, տետր 1, VI-11, թ. 5:
Սամվել Կարապետյան, Հյուսիսային Արցախ, Երևան, 2004, էջ 465:

Պատմություն
15 դ․

Տեղում պահպանված մեկ ձիակերպ և բազմաթիվ քանդակազարդ ուղղանկյունաձև տապանաքարերի ուսումնասիրությունը ցույց է տալիս, որ գերեզմանոցում թաղումները սկսվել են ԺԵ դարից:

Սամվել Կարապետյան, Հյուսիսային Արցախ, Երեւան, 2004, էջ 465:

1571 թ․

Ամենահին տապանաքարը (1980 թ. արդեն գոյություն չուներ) կերտվել է 1571 (ՌԻ) թվականին. «Ափսոս, որ արձանագրութիւնը եղծուած է: Սակայն քարի ճակատին երեւում է հետևեալ նկարը: Մի կանգնած կին, բաց մազերը մի հիւսով կախուած մէջքի վրայ, օղակներն ականջներում, երկայն շապիկը կոճկած, սրա վրայից կարճ արխալուղը, ոտերին լափչիններ, բազուկներին հագցրած է ապարանջան, ձախ ձեռքը ծալած կրծքի վերայ, իսկ աջը մեկնած դէպի արծաթեայ սափորը»:

Քաջբերունի, Բադա գիւղի աւերումը, «Արարատ», 1910, էջ 231:
Եղիշե Չարենցի անվան գրականության և արվեստի թանգարան, Ս. Քամալյանի ֆոնդ, տետր 1, VI-11, թ. 5:
Սամվել Կարապետյան, Հյուսիսային Արցախ, Երևան, 2004, էջ 465: