Օրորոցաձեւ տապանաքար :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Օրորոցաձեւ տապանաքար 1478 թ․

ԼՂՀ / Հադրութ / Վանք

Արձանագրություն, Հայերեն, Հիշատակագրություն 1478 թ․

Տապանաքար օրորոցաձև. որմնափակ խաչքարի առջև, հարավային երեսը հարդարված է խաչաքանդակներով ու զարդաքանդակներով: Արձանագրությունը՝ արևմտյան, հարավային և հյուսիսային նիստերին՝ 1 տող, իսկ արևելյանին՝ 8 տող.

Ես՝ Խումար, որդի | Ջալալայ, կանգնե|ցի զխաչս ի փրկ|ութիւն հոգոյ | որդոյ Վէլիճանին: | Որք երկիրպ(ագան)էք, յաղ|աւթս յիշեցէք, թվ(ին) | ՋԻԷ (1478): || Այս է հանգիստ բարէպաշտ Վալիճանայ, որ || կէսաւրէ ժ|ամանակաւ ի Ք(րիստո)ս փոխեցաւ: Ով:

Հրատ. Ջալալեանց Ս., Ճանապարհորդութիւն ի Մեծն Հայաստան, մասն Բ, Տփխիս, 1858, էջ 264: Բարխուտարեանց Մ., Արցախ, Բագու, 1895, էջ 67: Ոսկեան Հ., Արցախի վանքերը, էջ 22: ԴՀՎ V, էջ 188:

Ծանոթ. երեք նիստերին փորագրված միատող տապանագիրն անավարտ է: Ենթադրելի է, որ այն խաչքարային հիշատակագրություններին հատուկ պետք է լինի «Ով որ կարդա, աստուած ողորմի ասի» բանաձևային ձևակերպումը: Ջալալյանցի մոտ տրված է արևելյան նիստի արձանագրությունը և մի հատված երեք նիստերին փորագրվածից:

Տարընթերցում. Ջալալյանցի մոտ կեսաւրէ ժամանակաւի փոխարեն՝ երիտասարդ ժամանակին:

Աբրահամյան Է., Սպիտակ Խաչ վանք, «Վարձք», N 18, Երևան, 2022, էջ 50-51:

Հեղինակը Մանվել Սարգսյան
Տարեթիվ 1980 թ․

Տեսակը Գրչանկար
Հեղինակը Սասուն Դանիելյան
Տարեթիվ 2022 թ․