Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի 17 — 18 դդ․

Ադրբեջան / Հյուսիսային Արցախ / Խանլար / Մարտունաշեն

Նկարագրություն

Բրտիշենը գյուղատեղի է եկեղեցու և գերեզմանատան ավերակներով. «Գիւղիս դիմաց դէպի արևմուտք կայ մի փոքրիկ եկեղեցի, առանց արձանագրութեան. եկեղեցու չորս կողմը շինութեան հետքեր են երեւում և ինչպէս աւանդութիւնը պատմում է, այդտեղ բնակուելիս են եղել 50 տ. բրուտներ. ամբողջ աւերակը լցուած է բրուտների խեցեղէն շինուածքների կտորտանքներով»:

«Նոր-Դար» 1894, N 73, էջ 3:
Սամվել Կարապետյան, Հյուսիսային Արցախ, Երևան, 2004, էջ 384-385:

Ճարտարապետություն

Բրտիշենի եկեղեցին ունի միանավ թաղածածկ հորինվածք: Կառուցված է անմշակ քարով, կրաշաղախով: Սրբատաշ են միայն մուտքի անկյունաքարերը: Համեմատաբար բարվոք վիճակում է խորանին հարող հատվածը, իսկ մնացածը կանգուն է հազիվ 2 մ բարձրությամբ: Միակ մուտքը բացված է հյուսիսային ճակատից: Ունի միայն մեկ ավանդատուն՝ խորանի հարավային կողմում:

Սամվել Կարապետյան, Հյուսիսային Արցախ, Երեւան, 2004, էջ 385:

Պատմություն
17 — 18 դդ․

Ըստ հորինվածքային և կառուցողական առանձնահատկությունների՝ Բրտիշենի եկեղեցին կառուցվել է ԺԷ-ԺԸ դարերում:

Սամվել Կարապետյան, Հյուսիսային Արցախ, Երեւան, 2004, էջ 385:

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Տեսակը Չափագրություն
Հեղինակը Սամվել Կարապետյան
Աղբյուրը Գծագիր

Բրտիշեն գյուղատեղիի եկեղեցու հատակագիծը