Սբ. Հրեշտակապետաց Վանք :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Հրեշտակապետաց Վանք 1816 թ․

Ադրբեջան / Հյուսիսային Արցախ / Շամխոր / Գառնակեր

Տեղադրություն

Ծաղկոց անապատից 150 մ հարավ՝ Շամքոր գետի ձախ ափին, գտնվում է Հրեշտակապետաց վանքը, որից պահպանվել է միայն եկեղեցին:

Սամվել Կարապետյան, Հյուսիսային Արցախ, Երեւան, 2004, էջ 482:

Նկարագրություն
19 դ․

ԺԹ դարավերջին վանք այցելած տեղագիրները նկարագրում են համալիրի անմխիթար, կիսավեր ու անտերունչ վիճակը՝ նշելով, որ վանքը չուներ հողատարածքներ (բացի մի այգուց) և գտնվում էր միայն մի քահանայի հսկողության ներքո: Պատկերը նույնն էր նաև Ի դ. առաջին տասնամյակներին:

Բարխուտարեանց Մ., Արցախ, Բագու, 1895, էջ 316-317:
Լալայեան Ե., Գանձակի գաւառ, «Ազգագրական հանդէս», Թիֆլիս, 1899, N 1, էջ 343:
Սամվել Կարապետյան, Հյուսիսային Արցախ, Երևան, 2004, էջ 483:

Կալվածքներ
1910 թ․

1910 թ. հունիսի 28-ին կազմված Գանձակի վանական կալվածքների տեղեկագրում նշված է. «...թթենու և խաղողի այգի՝ տարածութեամբ մոտաւորապէս երեք դեսիատին. տարեկան տալիս է հազիւ քառասուն վեդրոյ գինի: Այստեղ է լինում վանահայրական պաշտօնով ծերունի Յովհաննէս վարդապետ Բարաղամեանը, որը 106 գրուն անց է կացրել... նա 1882 թւականից նշանակված է եղել վանահայր»:

Հայաստանի ազգային արխիվ, ֆ. 56, ց. 6, գ. 775, թ. 27:
Սամվել Կարապետյան, Հյուսիսային Արցախ, Երևան, 2004, էջ 483:

Ճարտարապետություն
19 դ․

ԺԹ դարավերջին դեռևս պահպանվում էին եկեղեցին, կից գավիթը և միաբանության սենյակները. «Վանքս ունի նաև քարուկիր գաւիթ, որի մէջ ամփոփուած են ննջեցեալներ: ...Մենաստանս ունի ինն հին խուցեր, որք ունին նեղ լուսամուտներ և ցած դռներ և մի այգի...»:

Բարխուտարեանց Մ., Արցախ, Բագու, 1895, էջ 316, 317:
Սամվել Կարապետյան, Հյուսիսային Արցախ, Երևան, 2004, էջ 484:

Նկարագրություն
1984 թ․

Մեր այցելության ժամանակ (1984 թ.) վանքից պահպանվել էր միայն եկեղեցին, այն էլ՝ անմխիթար վիճակում՝ փլուզվելու աստիճան:

Սամվել Կարապետյան, Հյուսիսային Արցախ, Երևան, 2004, էջ 484:

Տեսակը Լուսանկար
Տեսքը հատված
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1980 — 1982 թթ․

Հրեշտակապետաց վանքը և Ծաղկոց անապատը (հեռվում)

Տեսակը Լուսանկար
Տեսքը ընդհանուր
Ուղղությունը ⇙ Հարավ-արևմուտքից
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1980 — 1982 թթ․

Տեսակը Լուսանկար
Տեսքը ներքին
Հեղինակը Սամվել Կարապետյան
Աղբյուրը Գունավոր նեգատիվ

Որմնանկարի մնացորդ` խորանի մեջ