Լալազարի Կամուրջ :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Լալազարի Կամուրջ 1867 թ․

ԼՂՀ / Քաշունիք / Դավուդլու

Տեղադրություն

Դավուդլու գյուղատեղիից 2,5 կմ արեւելք, Որոտան գետի վրա կանգուն է երկթռիչք, քարաշեն, ամրակուռ մի կամուրջ:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 196:

Գտնվում է Արցախի Հանրապետության Քաշաթաղի շրջանում` Որոտան գետի (այս մասում գետն ավելի հայտնի է Բարգուշատ անվամբ) ստորին հոսանքի շրջանում:
Աշխարհագրական կոորդինատներն են` N 39՛26՛27.66՛՛, E 46՛27՛45.90՛՛:

Սամվել Կարապետյան, Արցախի կամուրջները, Երևան, 2009, էջ 110:

Պատմություն

Կառուցել է խնձորեսկցի Հովակիմ Լալազարյանցը 1867 թ., իսկ 1900-1902 թթ. նորոգել է որդին` Սիմեոնը. «Խնծորէսկ գիւղացի Յովակիմ Լալազարեանցի` 1860-ական թուականներին Բարգիւշատ գետի վրա կառուցած քարէ կամուրջը քայքայված էր, անպէտքացած: Այժմ նա վերանորոգված է եւ արդէն համարեա պատրաստ է: Վերանորոգողը հանգուցեալի որդի Սիմէօնն է. նրա ծախսով ճիշտ տարի ու կէս է, ինչ աշխատանքներ էին կատարվում կամուրջի վերանորոգութեան վրա: Ինքը, Սիմէոն Լալազարեանցը, անձամբ հսկում էր այդ գործի վրա»:

«Մշակ», 1902, N 161, էջ 2։
Սամվել Կարապետյան, Արցախի կամուրջները, Երևան, 2009, էջ 110:
Տե'ս նաև Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 197:

Կամրջի հիմնադրման և նորոգության տարեթվերը տակավին ընթերցվում են նաև ձախափնյա խելից վեր` գետի հոսքընթաց ճակատին ագուցված 10 տողանոց շինարարական արձանագրության մեջ, որը դեռևս խորհրդային տարիներին ադրբեջանական վանդալները միտումնավոր կերպով քերել են (հայաշեն կամուրջը վայելելը, սակայն միաժամանակ կառուցողի հիշատակագիրը ոչնչացնելը ադրբեջանա-թուրքական միջավայրին այնքան հարազատ և ծանոթ ձեռագիր է. հմմտ. Շամախու, Վաղարշավանի, Մոկսի, Շատախի և այլ կամուրջները):

Սամվել Կարապետյան, Արցախի կամուրջները, Երևան, 2009, էջ 110:
Տե'ս նաև Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 197:

Ճարտարապետություն

Կամարները սրբատաշ են՝ քարատեսակը՝ գորշ բազալտ: Ձախակողմյան թռիչքի երկարությունը 12,37 մ է, իսկ աջակողմյանը՝ փոքր–ինչ ավելի: Եզրապատնեշներ ունեցող անցուղին ունի 4,05 մ լայնություն: Կամրջի ձախափնյա խելի արեւելահայաց պատին ագուցված է մի շրջանաձեւ քար, որի հղկված երեսին 10 տողով փորագրված է եղել շինարարական արձանագրությունը:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 196-197:

Կամրջի զույգ թռիչքներն ունեն 13,84 և 12,66 մ երկարություն, 4,31 մ անցուղու լայնություն և ջրի մակարդակից 9,10 մ բարձրություն:

Սամվել Կարապետյան, Արցախի կամուրջները, Երևան, 2009, էջ 110:

Հիմնադրում

Ի դեպ, «Լալազարի» կամրջի հիմնադրման մասին մերձակա գյուղերի հայերի շրջանում առ այսօր պահպանվել է մի գեղեցիկ եւ ուշագրավ պատմություն:

Ս. Կարապետյան, Քաշունիք-Բարկուշատ-Ղուբաթլի. հայկական պատմական հուշարանները, «Աոերեսում», N 5, էջ 18։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 197:

Տեսակը Լուսանկար
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Աջակողմյան թռիչքը

Տեսակը Լուսանկար
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Տեսակը Լուսանկար
Տեսքը ընդհանուր
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Տեսակը Լուսանկար
Տեսքը արտաքին
Հեղինակը Սամվել Կարապետյան

Միտումանվոր քերված շինարարական արձանագրությունը

Տեսակը Լուսանկար
Հեղինակը Սամվել Կարապետյան

«Լալազար» կամուրջը (1867 թ.) Որոտան գետի վրա

Տեսակը Լուսանկար
Հեղինակը Սամվել Կարապետյան

Լալազարի երկթռիչք կամուրջը Որոտան գետի վրա

Տեսակը Տիեզերքից
Հեղինակը http://earth.google.com/

Տեսակը Լուսանկար
Հեղինակը Սամվել Կարապետյան

Տեսակը Լուսանկար
Տեսքը հատված
Հեղինակը Սամվել Կարապետյան
Աղբյուրը Գունավոր նեգատիվ

Տեսակը Չափագրություն
Հեղինակը Աշոտ Հակոբյան
Աղբյուրը Գծագիր

Տեսակը Լուսանկար
Հեղինակը Սամվել Կարապետյան
Տարեթիվ 2009 թ․

Միտումնավոր քերված հայերեն շինարարական արձանագրությունը

Հեղինակը Սամվել Կարապետյան

Հեղինակը Սամվել Կարապետյան
Տարեթիվ 1996 թ․