Բերդ :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Բերդ 4 — 7 դդ․

ԼՂՀ / Ջաբրայիլ / Թումաս

Նկարագրություն
4 — 7 դդ․

Թումասից 1,2 կմ հյուսիս-արեւելք, ծովի մակերեաւյթից 1150 մ բարձրության վրա, ոչ մեծ մակերես զբաղեցնող հարթակին պահպանվում են անմշակ քարերով եւ առանց կրաշաղախի շարվածքով բերդապարսպի մնացորդները։ Պարիսպը ձգվում է բերդի միայն հյուսիսային եւ հյուսիս-արեւմտյան կողմում (մնացած կողմերից բերդը պաշտպանված է բնական անմատչելի ժայռերով), ունի 25 մ երկարություն, հատակագծում աղեղնաձեւ, 2 մ միջին հաստությամբ եւ ընդամենը 1,0-1,5 մ պահպանված բարձրությամբ։ Բերդամիջում շինությունների հետքեր չկան։ Բերդասարի հարավային ել հարավ-արեւելյան ստորոտում, ժայռերի տակ նկատվում են տնափոսեր։ Հաշվի առնելով պարսպի պահպանված հատվածի շարվածքային առանձնահատկությունները (մեծաչափ անմշակ կամ կիսամշակ քարեր, կրաշաղախի բացակայություն), կարծում ենք՝ այն կառուցվել է վաղ միջնադարում կամ, ավելի ստույգ, IV–VII դարերում։

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 242:

Տեսակը Լուսանկար
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Տեսարան պարսպապատից (ներքուստ)

Տեսակը Լուսանկար
Ուղղությունը ⇐ Արևմուտքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Տեսակը Լուսանկար
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Տեսարան պարսպապատից (արտաքուստ)