Սբ. Սարգիս Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Սարգիս Եկեղեցի

Վրաստան / Կախեթ / Թելավ / Ռուիսպիր

Տեղադրություն

Փայտաշեն եկեղեցին գտնվում էր գյուղի Արտոզան կամ Վերնաթաղ կոչված մասում:

Հայաստանի ազգային արխիվ, ֆ. 53, ց. 1, գ. 3877, թ. 33:

Պատմություն
1875 թ․

1875 թվականից հիշատակվում է Սբ. Սարգիս անվամբ եկեղեցին:

Հայաստանի ազգային արխիվ, ֆ. 53, ց. 1, գ. 3866, թ. 7:

1896 թ․

1896 թ. վիճակի (թեմի) գործակալի ջանքերով «...Ռուիսպիրի հայ գիւղում եկեղեցի է կառուցուել և ժողովուրդը խնդրել է հոգևոր իշխանությանը, որ մարդ ուղարկէ օծելու...»: Մեկ այլ հաղորդումից պարզվում է, որ Ռուիսպիրում ոչ թե նոր եկեղեցի էր կառուցվել, այլ հիմնովին վերակառուցվել էր հին, քայքայված եկեղեցին. «...հայերն ունէին մի հին և խարխուլ տախտակամած եկեղեցի իւր մի քահանայով: Այդ բանը նկատելով Թելաւի գործակալ արժ. Գէորգ ա. քահ. Տէր-Սարգսեանը իւր ազդու խօսքերով սկսեց յորդորել գիւղացիներին, որ հնի տեղ նոր եկեղեցի շինեն և ինքը՝ Տեր-հայրը գործին գլուխ կանգնելով հասաւ իւր ցանկացած նպատակին և այսօր Ռուիսպիրի հայ գիւղացիները ունեն հնի տեղ քար ու կրից շինած մի նոր եկեղեցի. ահա այդ նորաշեն Սուրբ Աստվածածնայ եկեղեցւոյ օծման հանդեսն էր, որ կատարուեցաւ ամսոյ 17-ին, կիւրակէ օրը...»:

«Նոր-Դար», 1896, № 206, էջ 2: «Արձագանք», 1896, № 139, էջ 3:

Հիշվում է 1910 թ.:

Սամվել Կարապետյան, Հայերը Կախեթում, Երեւան, 2004, էջ 95:

Քանդում
1923 թ․

Հայտնի է, որ 1923 թ. Արտոզանի եկեղեցին քանդել են: