Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի 13 — 14 դդ․

ԼՂՀ / Քարվաճառ / Բարսղիշեն

Տեղադրություն

Բարսղիշենի եւ Ղամշլիի միջեւ, ավելի մոտ վերջինիս (ընդամենը 0,6 կմ արեւելք), մի գեղատեսիլ բլրի վրա դեռեւս կանգուն են փոքրիկ եկեղեցու պատերը:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 46:

Ճարտարապետություն

Թաղածածկ հորինվածքով շենքի ծածկն ու պատերի վերնամասերը ամբողջությամբ քանդված են: Միակ մուտքը բացված է արեւմտյան ճակատից: Կառուցված է անմշակ քարով եւ կրաշաղախով: Երեսապատի շատ քարերի վրա քանդակված են փոքրիկ նվիրատվական խաչեր: Պահպանվել են նաեւ նույն բովանդակությամբ երկու հակիրճ արձանագրություններ, մեկը՝ արեւմտյան, մյուսը հարավային ճակատներին: Եկեղեցին ներսից սվաղված է: Խորանը ուղղանկյունաձեւ է, իսկ արտաքին չափերն են՝ 5,68x4,22 մ:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 46:

Հիմնադրում
13 — 14 դդ․

Եկեղեցու հորինվածքային ու գեղարվեստական առանձնահատկությունները հաշվի առնելով` այն կարելի է թվագրել XIII–XIV դարերով:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 46-47:

Արձանագրություն, Հայերեն, Փորագիր, Հիշատակագրություն

Արևմտյան ճակատին.
Ա(ՍՏՈՒԱ)Ծ ՈՂ|ՈՐՄԻ ԳԱԳ(ԻԿԻՆ):

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 46:

Արձանագրություն, Հայերեն, Փորագիր, Հիշատակագրություն

Հարավային ճակատին.
ԳՐ(Ի)ԳՈՐԻ...| Ի..ՈՅԱ ՈՂՈ|ՐՄԻ Ա(ՍՏՈՒԱ)Ծ: