Սբ. Սարգիս Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Սարգիս Եկեղեցի

Ադրբեջան / Հյուսիսային Արցախ / Գանձակ / Գանձակ / Նորաշեն

Տեղադրություն

Նորաշեն թաղամասի եզրին տարածված հայոց գերեզմանատան մեջ գտնվում էր Սբ. Սարգիս եկեղեցին: Եկեղեցու կառուցման ժամանակին վերաբերող տվյալներ հայտնի չեն:

Սամվել Կարապետյան, Հյուսիսային Արցախ, Երեւան, 2004, էջ 56:

Պատմություն
1881 թ․

Հողաշեն ու անշուք այդ եկեղեցին ուխտատեղիի համբավ ուներ: Դրա վերաբերյալ վավերագրերում հիշատակությունների ենք հանդիպում 1881 թ:

Հայաստանի ազգային արխիվ, ֆ. 56, ց. 6, գ. 66:
Սամվել Կարապետյան, Հյուսիսային Արցախ, Երևան, 2004, էջ 56:

Նկարագրություն
1890 թ․

Արդեն 1890 թ. եկեղեցին գտնվում էր «...խարխուլ դրութեան մէջ»:

«Նոր-Դար», 1890, N 116, էջ 2:
Սամվել Կարապետյան, Հյուսիսային Արցախ, Երևան, 2004, էջ 56:

Վանահայր
1904 թ․

1904 թ. վանահայր է նշանակվել Անանիա քահանա Շիրակունին:

«Արարատ», 1904, էջ 738:
Սամվել Կարապետյան, Հյուսիսային Արցախ, Երևան, 2004, էջ 56:

Նկարագրություն
1905 թ․

1905-1906 թթ.՝ հայ-թուրքական ընդհարումներից հետո, եկեղեցի-ուխտատեղին հայտնվել էր ավեր վիճակում: Շինության նորոգումներին ձեռնամուխ է եղել և բարեհաջող ավարտին հասցրել գանձակեցի Նիկողայոս Ղուկասյանցը: Օծումը տեղի է ունեցել 1917 թ. հունիսի 4-ին: Դրանով իսկ հնարավորություն է տրվել «...որ հայ հաւատացեալը անմոռաց պահի իւր ուխտավայրերի ճանապարհը»: Ի դեպ, յուրաքանչյուր տարվա «...պահուց ուրբաթ օրը գնում են քաղաքի բոլոր հայ կանայքն և աղջկունքն համբուրելու և փողնդով «թաթախվելու» մոմեր վառելով և մաղթանք բառնալով դէպի նորա պատկերը...»:

Հայաստանի ազգային արխիվ, ֆ. 57, ց. 2, գ. 2018, թ. 1:
«Մեղու Հայաստանի», 1874, N 19, էջ 3:
Սամվել Կարապետյան, Հյուսիսային Արցախ, Երևան, 2004, էջ 56-57:

Խորհրդային տարիներին Սբ. Սարգիս եկեղեցի-ուխտատեղն վերածվել էր «Ժողովուրդների բարեկամության պալատի» և գտնվում էր քաղաքի 9-րդ նրբանցքում:

Սամվել Կարապետյան, Հյուսիսային Արցախ, Երեւան, 2004, էջ 57:

Տեսակը Լուսանկար
Տեսքը հատված
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1980 — 1982 թթ․

Անվանում	Հիշ. ժամանակը	Ստուգաբանություն
Գերեզմանատան Սբ. Սարգիս