Հին Խրխափոր Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Հին Խրխափոր Եկեղեցի 1659 թ․

ԼՂՀ / Շահումյան / Խրխափոր

Պատմություն

Համաձայն շինարարական արձանագրության՝ կառուցվել է 1659 թ.՝ Պետրոս Խանձկեցի կաթողիկոսի գահակալության ժամանակ, Նավասարդ վերակացուի հսկողությամբ: 1841 և 1842 թթ. վավերագրերում հիշվում է Սբ. Գևորգ անվամբ:

Հայաստանի ազգային դիվան, ֆ. 56, ց. 1, գ. 305, թ. 47; ֆ. 56, ց. 12, գ. 531:
Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 106:

Ճարտարապետություն

Միանավ հորինվածքով, թաղածածկ շինություն է՝ կառուցված գլխավորապես անմշակ քարով, կրաշաղախով: Սրբատաշ են կառուցվածքային առավել պատասխանատու հատվածները՝ որմնասյուները, մինչև 1970-ական թթ. վերջերը կանգուն թաղակիր կամարները և անկյունաքարերի մի մասը: Արտաքին չափերն են՝ 15 x 5,2 մ: Միակ մուտքն արևմտյան ճակատից է: Թաղը, որը փլվել է 1970-ական թվականների վերջերին, ներքուստ պահել են երեք զույգ սրբատաշ որմնասյուներին հենված թաղակիր կամարները: Պատերին ագուցված են գեղաքանդակ հին խաչքարեր, տապանաքարեր:

Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 106:

Վիմագրեր

Եկեղեցու որմերին առկա արձանագրություններն ութն են:

Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 106:

Արձանագրություն, Հայերեն, Շինարարական 1659 թ․

Արձանագրություն. եկեղեցու խորանի հյուսիսային կողմում՝ թաղի ոտք ծառայող սրբատաշ քարին` 4 տող.

Թվ(ին) ՌՃԸ (1659). կամաւն ա(ստուծո)յ շինեցինք եկեղեցիս հայր(ա)|պ(ե)տութե(ան) տ(եառ)ն Պետրոս կաթ(ողիկո)ս ք(ա)հ(ա)ն(այա)պ(ե)տու|թ[ե(ան)] ...ս էպ(իսկոպո)սի, վերակացուն՝ Ն(ա)ւաս(ա)րդն, | ... էր յիշեցէք:

Հրատ. Կարապետյան Ս., Խրխափորի ձորահովտում գտնվող պատմաճարտարապետական հուշարձանները և դրանց նորահայտ արձանագրությունները, «ՊԲՀ», 1984, N 2, էջ 236: Ղահրամանյան Կ., Հյուսիսային Արցախ, գիրք Ա, էջ 74: Նույնի՝ Օջախի գիրք, հ. Ա, էջ 74:

Ծանոթ. Աղվանից Պետրոս կաթողիկոսը գահակալել է 1653-1676 թթ.:

Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 107:

Տեսակը Գրչանկար
Հեղինակը Սամվել Կարապետյան

Հեղինակը Սամվել Կարապետյան

Արձանագրություն, Հայերեն, Հիշատակագրություն 1659 թ․

Արձանագրություն. եկեղեցու խորանի հարավակողմի քիվանման սրբատաշ կամարի ոտքին՝ կենտրոնում, մարդու քանդակ է, որի ձեռքին՝ քառակուսու մեջ և երկու կողմում` 13 տող.

Հրատ. Կարապետյան Ս., Խրխափորի ձորահովտում գտնվող պատմաճարտարապետական հուշարձանները և դրանց նորահայտ արձանագրությունները, «ՊԲՀ», 1984, N 2, էջ 237: Ղահրամանյան Կ., նշվ. աշխ., գիրք Ա, էջ 74: Նույնի՝ Օջախի գիրք, հ. Ա, էջ 74:

Ծանոթ. մեր՝ վերոնշյալ հոդվածում վերծանությունը թերի է: Նույնն է նաև Ղահրամանյանի մոտ:

Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 108:

Տեսակը Գրչանկար
Հեղինակը Սամվել Կարապետյան

Հեղինակը Սամվել Կարապետյան

Հեղինակը Սամվել Կարապետյան
Տարեթիվ 1984 թ․

Հեղինակը Սամվել Կարապետյան
Տարեթիվ 1987 թ․

Ուղղությունը ⇙ Հարավ-արևմուտքից
Հեղինակը Սամվել Կարապետյան
Տարեթիվ 1987 թ․

Ուղղությունը ⇐ Արևմուտքից
Հեղինակը Սամվել Կարապետյան
Տարեթիվ 1987 թ․

Հեղինակը Սամվել Կարապետյան
Տարեթիվ 1984 թ․

Հեղինակը Արտակ Ղուլյան

Տեսակը Չափագրություն
Հեղինակը Սամվել Կարապետյան
Տարեթիվ 1984 թ․

Հեղինակը Սամվել Կարապետյան