Կուսանաց Սբ. Աստվածածին Անապատ :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Կուսանաց Սբ. Աստվածածին Անապատ 17 դ․

Ադրբեջան / Հյուսիսային Արցախ / Խանլար / Ոսկանապատ

Տեղադրություն

Գտնվում է Ոսկանապատի հարավային ծայրում՝ ձորի մեջ, գետի ձախ ափին:

Սամվել Կարապետյան, Հյուսիսային Արցախ, Երեւան, 2004, էջ 415:

Պատմություն
1684 թ․

Հիմնադրման ժամանակի վերաբերյալ ստույգ տվյալներ չկան, բայց գոյություն է ունեցել նախքան 1684 թ., քանի որ հիշյալ թվականին ստեղծված մի ավետարանի հիշատակարանում նշվել է. «...արդ ես Սարգսի որդի Խոջա Պատիս, առի զսուրբ աւետարանս ի ձեռաց անօրինաց եւ ետու վախմ ի դուռն Ոսկանապատու կուսանաց անապատին, Աստուածածին սուրբ տաճարին...»:

Քաջիկեան, Ճանապարհորդական յիշատակարան (հոդվածաշար), «Արձագանք», 1886, N 20, 23, 24, էջ 294:
Սամվել Կարապետյան, Հյուսիսային Արցախ, Երևան, 2004, էջ 415:

17 դ․

Եկեղեցու հորինվածքային և կառուցողական առանձնահատկությունների ուսումնասիրությունը թույլ է տալիս շինությունը համարել ԺԷ դարի կառույց. ընդ որում չի բացառվում, որ անապատը նվերներ է ստացել (ի թիվս և հիշյալ ավետարանը) հենց կառուցման ավարտից անմիջապես հետո:

Սամվել Կարապետյան, Հյուսիսային Արցախ, Երեւան, 2004, էջ 415-416:

Ճարտարապետություն

Եկեղեցին ունի միանավ, թաղածածկ հորինվածք: Ծածկը երկթեք է, միակ մուտքը` հարավից: Կառուցված է անմշակ քարով, կրաշաղախով: Սվաղված է և՛ ներսից, և՛ դրսից: Արտաքին չափերն են` 12,25 x 6,55 մ: Եկեղեցու արևմտյան կողմում եղել են միաբանական սենյակներ. «...բայց յորդ անձրևի հեղեղներն քանդած և տարած են սոյն սենեակները և կոյտ կոյտ խիճեր դիզած խուցերի տեղերում»:

Բարխուտարեանց Մ., Արցախ, Բագու, 1895, էջ 275:
Սամվել Կարապետյան, Հյուսիսային Արցախ, Երեւան, 2004, էջ 416:

Պատմություն
1885 թ․

1885 թ. մի վավերագրում անապատը հիշվում է «Սբ. Ոսկեանց» անունով:

Հայաստանի ազգային արխիվ, ֆ. 53, ց. 1, գ. 3877, թ. 29:
Սամվել Կարապետյան, Հյուսիսային Արցախ, Երևան, 2004, էջ 416:

Նորոգություն

Կրում է մի շարք նորոգումների հետքեր, որոնցից մեկն իրականացրել է Հարություն պապը: Տապանաքարը գտնվում է եկեղեցու հարավային պատի տակ:

Բարխուտարեանց Մ., Արցախ, Բագու, 1895, էջ 275:
Սամվել Կարապետյան, Հյուսիսային Արցախ, Երևան, 2004, էջ 416:

Տեսակը Լուսանկար
Ուղղությունը ⇒ Արևելքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1980 — 1982 թթ․

Տեսակը Լուսանկար
Ուղղությունը ⇘ Հարավ-արևելքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1980 — 1982 թթ․

Տեսակը Լուսանկար
Տեսքը մանրամաս
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1980 — 1982 թթ․

Հարավից բացված մուտքը

Տեսակը Չափագրություն
Տեսքը արտաքին
Հեղինակը Սամվել Կարապետյան
Աղբյուրը Գծագիր

Հատակագիծ

Անվանում	Հիշ. ժամանակը	Ստուգաբանություն
Սբ. Ոսկյանց