Սբ. Գրիգորիս Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Գրիգորիս Եկեղեցի 1836 թ․

Ադրբեջան (ոչ Արցախ) / Աղսու / Գյուրջևան

Տեղադրություն

Գտնվում է գյուղամիջում:

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 7:

Պատմություն
1821 թ․

1821 թ. Գյուրջևանում հիշվում է Սբ. Աստվածածին անվամբ եկեղեցի, իսկ 1836 թ. (ըստ արձանագրության) այդ եկեղեցու տեղում կառուցվել է նոր եկեղեցի և օծվել Սբ. Գրիգորիսի անվամբ։

Հայաստանի Հանրապետության Պատմության պետական կենտրոնական արխիվ, ֆ. 56, ց. 1, գ. 3426, թ. 35

1865 թ․

1865 թ. Շամախու թեմի աոաջնորդ Դանիել արքեպիսկոպոսը կարգադրություն է արել եկեղեցին պարսպապատելու և կից ուսումնարան կառուցելու մասին:

Հայաստանի Հանրապետության Պատմության պետական կենտրոնական արխիվ, ֆ. 56, ց. 1, գ. 4368, թ. 20:

Նորոգություն
1866 թ․

1866 թ. նախապատրաստվում էր նորոգել եկեղեցու քայքայված տանիքը։ Ուշագրավ է, որ այդ փաստաթղթերում եկեղեցին կրկին հիշվում է Սբ. Աստվածածին անվամբ։

Հայաստանի Հանրապետության Պատմության պետական կենտրոնական արխիվ, ֆ. 56, ց. 1, գ. 4819, թ. 1:

1903 թ․

Արդեն 1903 թ. պահանջ է զգացվել կրկին «նորոգել զայն»։

Հայաստանի Հանրապետության Պատմության պետական կենտրոնական արխիվ, ֆ. 56, ց. 1, գ. 10078, թ. 1:

Նկարագրություն

Եկեղեցին ներկայումս գոյություն չունի։ Այն հիմքից քանդել, իսկ տեղում բնակելի տներ են կառուցել։ Նախկինում հետազոտողները սրա որմերից ընդօրինակել են 2 արձանագրություն։ Դրանք ոչնչացվել են եկեղեցու քանդման ժամանակ։

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 7:

Արձանագրություն, Հայերեն, Փորագիր, Շինարարական 1633 թ․

ՍԲ. ԳՐԻԳՈՐԻՍ ԵԿԵՂԵՑԻ, ներսում, հարավային ավանդատան դռան ճակատին ագուցված քարին եղել է տեղի հին եկեղեցու շինարարական արձանագրությունը.
ՇԻՆԵՑԱՒ ՍՈՒՐԲ ԵԿԵՂԵՑԻՍ ... ՀՐԱՄԱ ՆԱՒ ԹՈՄԱ ՎԱՐԴԱՊԵՏԻ ԵՒ ՀԱՅՈՑ ՄՈՎՍԷՍ ԿԱԹՈՒՂԻԿՈՍԻՆ, Ի ԹՎԻՆ ՌՁԲ (1633)։

Բարխուտարեանց Մ., Աղուանից երկիր և դրացիք, Թիֆլիս, 1863, էջ 181։

Արձանագրություն, Հայերեն, Փորագիր, Շինարարական 1836 թ․

ՍԲ. ԳՐԻԳՈՐԻՍ ԵԿԵՂԵՑԻ, հարավային դռնագլխին արտաքուստ փորագրված է եղել.
Ի ԹՎԻՆ ՀԱՅՈՑ ՌՄՁԵ (1836) ԱՄԻ, ՇԻՆԵՑԱՒ Ի ԿԻՒՐՋՎԱՆՈՒ ՍՈՒՐԲ ԳՐԻԳՈՐԻՍԻ ԵԿԵՂԵՑԻՆ Ի ՀԱՄԱԳՈՒՄԱՐ ԺՈՂՈՎՐԴՈՑ։ ԳՐՈՂՍ ԵՄ ՏԵՐ ՍԱՐԳԻՍ ՕՀԱՆԵԱՆ։

Բարխուտարեանց Մ., Աղուանից երկիր և դրացիք, Թիֆլիս, 1863, էջ 181։ Քաջբերունու մոտ ՝ փոքր ինչ տարընթերցված (թերթ 41)։

Անվանում	Հիշ. ժամանակը	Ստուգաբանություն
Սբ. Աստվածածին	1821 թ․