Դպրոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Դպրոց 1889 թ․

Ադրբեջան (ոչ Արցախ) / Իսմայիլի / Գանձակ

Պատմություն
1889 թ․

1889 թ. Շամախու թեմի առաջնորդ Մ. Սմբատյանը օրհնել է Գանձակի եկեղեցական-ծխական արական միդասյա դպրոցի շենքի հիմքը, որը կառուցվել է բաքվեցի Հայրապետ Քոչարյանցի ջանքով և նրա հանգանակությամբ հավաքված դրամով:

Հայաստանի Հանրապետության Պատմության պետական կենտրոնական արխիվ, ֆ. 56, ց. 4, գ. 104, թ. 23: Հայաստանի Հանրապետության Պատմության պետական կենտրոնական արխիվ, ֆ. 56, ց. 3, գ. 978, թ. 2։

1893 թ․

1893 թ. դպրոցը գտնվում էր նյութական կարիքի մեջ, ուսուցիչն Էր Զաքարիա Զալիյանցը։

Հայաստանի Հանրապետության Պատմության պետական կենտրոնական արխիվ, ֆ. 27, ց. 1, գ. 49, թ. 58:

1896 թ․

Մինչև 1896 թ. դպրոցը մի կերպ պահպանել Է իր գոյությունը և փակվել:

Հայաստանի Հանրապետության Պատմության պետական կենտրոնական արխիվ, ֆ. 27, ց. 1, գ. 206, թ. 1:

1911 — 1914 թթ․

Գործել է նաև 1911-12 թթ., վերստին փակվել 1912-13 ուս. տարում, վերաբացվել (54 աշակերտով) 1913–14 թթ.:

Հայաստանի Հանրապետության Պատմության պետական կենտրոնական արխիվ, ֆ. 27, ց. 1, գ. 206, թ. 3։

Հայտնի է, որ 1889 թ. Թոփիշեն և հարևան Գանձակ գյուղերի բնակիչների միացյալ ուժերով երկու գյուղերի երեխաների համար Գանձակում հիմնվել է դպրոց:

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 23:

Նկարագրություն

Հիմնավեր վիճակում է ուսումնարանի շենքը, որի շինարարական արձանագրությունը ընկած է եկեղեցուց հարավ, Քալյան Սմբատի տան բակում։

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 19:

Արձանագրություն, Հայերեն, Փորագիր, Շինարարական 1889 թ․

ՈՒՍՈՒՄՆԱՐԱՆ-ԴՊՐՈՑԻ (այժմ՝ հիմնավեր) շինարարական քառատող արձանագրությունը Քալյան Սմբատի տան բակում.
ՅԱՄԻ Տ(ԵԱՌ)Ն 1889 ՇԻՆԵՑԱՒ ԴՊՐՈՑՍ ՕԺԱՆԴԱԿՈՒ(ԹԵԱՄ)Բ ՀԱՅՈՑ | ՀԱՍԱՐԱԿՈՒ(Թ)Ե(Ա)Ն ԳԱՆՁԱԿ ԵՒ | ԹՕՓԻ ՇԷՆ ԳԻՒՂՕՐԷԻՑ։

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 20:

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1984 — 1987 թթ․