Սբ. Աստվածածին Հայ կաթոլիկ եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Հայ կաթոլիկ եկեղեցի 1843 թ․

Վրաստան / Ջավախք / Ախալքալաք / Կարտիկամ

Պատմություն
1895 թ․

Հայտնի է, որ 1895 թ. ապրիլի 9-ին եկեղեցին փակվել է ծայրահեղ և վտանգավոր կերպով քայքայված լինելու պատճառով: Ստեղծված կացության մասին անմիջապես իրազեկում են Այսրկովկասի Հայ-կաթոլիկ վարչությանը:

Վրաստանի ազգային դիվան, ֆ. 204, ց. 1, գ. 981, թ. 1, 3: Սամվել Կարապետյան, Ջավախք, Երևան, 2006, էջ 292:

1896 թ․

1896 թ. ապրիլի 28-ին ճարտ. Լ. Կրոպինսկին Կարտիկամի եկեղեցու վերակացու Հակոբ քահանա Իգիթխանյանցի և տանուտիրոջ օգնական Հակոբ Ղուլախսզյանցի ներկայությամբ արձանագրություն է կազմում այն մասին, որ եկեղեցու փայտակերտ սյուներն ու հատկապես թեքված պատերն այլևս ի զորու չէին իրենց վրա պահելու բավականաչափ ծանր, հողածածկ տանիքը, որի պատճառով էլ եկեղեցու փակումը դրական է գնահատվել, իսկ մինչ նոր եկեղեցի կառուցելը որոշվում է ժամասացությունը կատարել դպրոցի շենքում:

Հայաստանի ազգային դիվան, ֆ. 204, ց. 1, գ. 981, թ. 6: Սամվել Կարապետյան, Ջավախք, Երևան, 2006, էջ 292:

1897 թ․

1897 թ. մայիսի 10-ին հոգևոր վարչությանն ուղղված դիմումով թույլտվություն էր խնդրվում «ի հիմանէ նոր եկեղեցի» կառուցելու համար:

Վրաստանի ազգային դիվան, ֆ. 204, ց. 1, գ. 981, թ. 7: Սամվել Կարապետյան, Ջավախք, Երևան, 2006, էջ 292:

1900 — 1906 թթ․

Վերջապես 1900 թ. օգոստոսի 8-ին ՆԳ նախարարությունը տալիս է իր համաձայնությունը եկեղեցու կառուցման համար՝ պայմանով, որ շինարարական ծախսերը պետք է հոգային բացառապես տեղի հայ-կաթոլիկները: 1906 թ. ձգձգվող շինարարական աշխատանքներն ավարտին հասցնելու ակնկալիքով թույլատրվել է Տիրասպոլի հռոմեադավան կաթոլիկների շրջանում մինչև 4000 ռ. գումարի չափով հանգանակություն կատարել:

Վրաստանի ազգային դիվան, ֆ. 204, ց. 1, գ. 981, թ. 25: Տե՛ս նաև` “Кавказ”, 1900, N 206,էջ 3: “Кавказ”, 1908, N 99, էջ 2: Սամվել Կարապետյան, Ջավախք, Երևան, 2006, էջ 292:

Հիմնադրում

Հիմնադրվել է 1843 թ.:

Սամվել Կարապետյան, Ջավախք, Երևան, 2006, էջ 292:

Նորոգություն
1908 թ․

Հետագայում մի քանի անգամ նորոգվել է. «Ժողովրդապետական քարաշէն եկեղեցի, յանուն սբ. Աստուածածնի, 1843 ամի, ծախիւք ծխականաց, վերանորոգեալ յամի 1908»:

«Օրացոյց և պատկեր տօնից», Թիֆլիս, 1916, էջ 83: Տե՛ս նաև՝ «Արձագանք», 1885, N 26, էջ 368: Սամվել Կարապետյան, Ջավախք, Երևան, 2006, էջ 292:

1916 թ․

Հայտնի վերջին նորոգումներից մեկը (ծածկերի նորոգությունը) իրականացվել է 1916 թ.:

Հայաստանի ազգային դիվան, ֆ. 316, ց. 1, գ. 55, թ. 12: Սամվել Կարապետյան, Ջավախք, Երևան, 2006, էջ 292:

Տեսակը Լուսանկար
Տեսքը արտաքին
Ուղղությունը ⇗ Հյուսիս-արևելքից
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1988 — 1989 թթ․

Տեսակը Լուսանկար
Տեսքը արտաքին
Ուղղությունը ⇘ Հարավ-արևելքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1988 — 1989 թթ․

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1988 — 1989 թթ․

Անվանում	Հիշ. ժամանակը	Ստուգաբանություն
Վերափոխման Սբ. Աստվածածնի