Սբ. Երրորդություն Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Երրորդություն Եկեղեցի

Վրաստան / Ջավախք / Ախալքալաք / Կուլիկամ

Պատմություն
1841 թ․

1841 թ. Սբ. Կարապետ անվամբ հիշվող եկեղեցին հետագա բոլոր տարիներին և մինչև խորհրդային կարգերի հաստատումը հայտնի էր Սբ. Երրորդություն անվամբ:

Հայաստանի ազգային դիվան, ֆ. 53, ց. 1, գ. 3798։ Սամվել Կարապետյան, Ջավախք, Երևան, 2006, էջ 310:

1870 թ․

1870-ականին կուլիկամցիները ձեռնամուխ են եղել հնի տեղում եկեղեցու նոր շենք կառուցելու գործին, սակայն աշխատանքները ընդհատվել են նյութական սղության պատճառով. «...ունի մի հին քանդված եկեղեցի, որ գիւղացիների բաղդաւոր ժամանակը նորոգվեցաւ մինչև կէսը, բայց երբ բազմացան նրանց գլխին կալուածատէրերի ճնշումները, նրանք այլ ևս ոյժ չունեցան շարունակել իրանց տաճարի վերանորոգութեան գործը...»:

«Մշակ», 1877, N 11, էջ 2։ Սամվել Կարապետյան, Ջավախք, Երևան, 2006, էջ 310:

1878 — 1884 թթ․

1878 թ. մի վավերագրում նշված է, թե Կուլիկամը զուրկ էր եկեղեցուց (նկատի է առնված ծխական եկեղեցի չլինելը): Այնուամենայնիվ, կուլիկամցիները կարողանում են ամբողջացնել շինարարությունը, և, օրինակ, 1884 թ. այն գործել է:

Հայաստանի ազգային դիվան, ֆ. 53, ց. 1, գ. 3850, թ. 206։ «Արձագանք», 1885, N 3, էջ 43։ Սամվել Կարապետյան, Ջավախք, Երևան, 2006, էջ 311:

Նկարագրություն

Սբ. Երրորդություն եկեղեցին ցայժմ կանգուն է: Արևմտյան ճակտոնի գագաթին կառուցված է վեց միակտոր սյուների վրա բարձրացող զանգակատունը: Միակ մուտքը բացված է արևմտյան ճակատից: Եկեղեցու արևելյան ճակատին ագուցվել է գյուղի հայոց գերեզմանոցից տեղափոխված արձանագիր մի խաչքար:

Սամվել Կարապետյան, Ջավախք, Երևան, 2006, էջ 311:

Տեսակը Լուսանկար
Տեսքը արտաքին
Ուղղությունը ⇓ Հարավից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1988 — 1989 թթ․

Տեսակը Լուսանկար
Տեսքը արտաքին
Ուղղությունը ⇐ Արևմուտքից
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1988 — 1989 թթ․

Անվանում	Հիշ. ժամանակը	Ստուգաբանություն
Սբ. Կարապետ	1841 թ․