Ջրաղաց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Ջրաղաց 1787 թ․

Իրան / Արևմտյան Ատրպատական / Մակու / Ղարաքիլիսա

Պատմություն
1787 թ․

1787 թ. կառուցվում է ջրաղացը՝ ամբարով հանդերձ. «Շինեցաւ ամբարով ջաղացն ՌՄԼԶ թւոջն, զկնի երեք ամսոյ աւարտ էհաս օգոստոսի ելն, հրամանաւ և արդեամբ տեառն Իսահակ շինարար արքեպիսկոպոսին Փառակեցի լուսահոգի վարդապետին... Շինեցուցանեմք զգաւիթն սուրբ և զջրաղացն ամբարով սրբատաշ քարիւ և այլ շինուածք ևս»:

Մանր ժամանակագրություններ, հ. 1, կազմեց Վ. Ա. Հակոբյան, Երևան, 1951, էջ 309: Արմեն Հախնազարյան, Արտազի երեք վանքերը, Երևան, 2012, էջ 50: Արմեն Հախնազարյան, Սբ. Թադեոս Առաքյալի և Սբ. Ստեփանոս Նախավկայի վանքերը, էջ 11:

Նորոգություն

1796 թ. վերաշինվում է վանքի` 1787 թ. կառուցված ջրաղացը. «Ի ՌՄԽԵ (1796) զջրաղացն առաջինն այլ նոր ի նորոյ հանդերձ իւրովք պարագայիւքն մեծաւ աշխատութեամբ շինել ետու»:

Մանր ժամանակագրություններ, հ. 1, կազմեց Վ. Ա. Հակոբյան, Երևան, 1951, էջ 312։ Արմեն Հախնազարյան, Արտազի երեք վանքերը, Երևան, 2012, էջ 51:

Նկարագրություն

1954 թ. նշվել է, որ վանքի ձիթհանը (տեղում մնացել էր միայն քարը) և երկու ջրաղացներից մեկը ավերակ վիճակում են: