Գևորգյան Դպրոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Գևորգյան Դպրոց 1895 թ․

Վրաստան / Ախալցխա / Աբասթուման

Պատմություն
1895 թ․

«Աբասթումանի երկդասարանեան Գէորգեան դպրոցը» բացվել է 1895 թ. հոկտեմբերի 15-ին, որը, սակայն, հաջորդ տարում չի գործել կայսերական հրամանի` հայկական բոլոր դպրոցները փակելու պատճառով:

«Մշակ», 1895, N 122, 24 հոկտ., էջ 2: Սամվել Կարապետյան, Ախալցխա, Երևան, 2008, էջ 23:

1910 թ․

1910 թ. գարնանը երկար տարիներ Ռուսաստանում բնակվող պարսկահպատակ վաճառական մահտեսի Սիմեոն Թումանյանցը նախատեսել էր, ի հիշատակ վախճանված երկու երեխաների, «Հայկական ուսումնարան մը կառուցանելու նպատակաւ» նվիրաբերել 10000 ռուբլի:

Ռուսահայ լուրեր, «Կոչնակ», 1910, N 24, էջ 574-575: Տե՛ս նաև «Մշակ», 1910, N 26: Սամվել Կարապետյան, Ախալցխա, Երևան, 2008, էջ 23:

1914 թ․

Դեռևս 1914 թ. ավանը զուրկ էր հայոց դպրոցից. «...ծխական դպրոց չունին, հայ աշակերտ-աշակերտուհիները սովորում են յանուն Գէօրգի թագաժառանգի հիմնած մինիստրական դպրոցում, ուր տեղական քահանան շաբաթական 6 ժամ հայերէն և կրօն է պարապում»: