Դպրոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Դպրոց 1888 թ․

Վրաստան / Ախալցխա / Ծղալթբիլա

Պատմություն
1888 թ․

1888 թ. եկեղեցուն կից ջուլղայեցիների հետ համատեղ կառուցել են ձմեռային դպրոց, որտեղ սովորել են երկու գյուղերի երեխաները:

Դավթյան Ա., Հայկական և հայախառը բնակավայրերը Վրաստանում, Երևան, 1997, էջ 156: Սամվել Կարապետյան, Ախալցխա, Երևան, 2008, էջ 214:

1902 թ․

1902 թ. ևս գյուղական վարժարանը գործել է միայն ձմեռային ամիսներին: 1916 թ. եղել է նախարարական դպրոց և ունեցել 100 աշակերտ (40-ը` աղջիկ): Այս դպրոցը գործել է մինչև 1921 թ., երբ նույն տարվա հոկտեմբերին Շիրխան Շիրխանյանի նախաձեռնությամբ բացվել է քառամյա դպրոցի առաջին դասարանը (առաջին ուսուցիչն էր սուխլիսցի Պետրոս Հարությունյանը)` 20 աշակերտով:

Քօսեան Յ., Բարձր Հայք, հ. Ա, Վիեննա, 1925, էջ 83: Օրացոյց եւ պատկեր տօնից, Թիֆլիզ, 1916, էջ 78: Հայաստանի ազգային դիվան, ֆ. 316, ց. 1, գ. 65, թ. 30-31: Դավթյան Ա., Հայկական և հայախառը բնակավայրերը Վրաստանում, Երևան, 1997, էջ 156: Հակոբյան Հ., Ախալցխա. Էրզրումյան գաղթից մինչև մեր օրերը, Երևան, 2002, էջ 113: Սամվել Կարապետյան, Ախալցխա, Երևան, 2008, էջ 214:

1932 թ․

1932/1933 ուստարում դպրոցը դարձել է յոթնամյա, 1938 թ.` ութամյա, 1940 թ.` տասնամյա:

Հակոբյան Հ., Ախալցխա. Էրզրումյան գաղթից մինչև մեր օրերը, Երևան, 2002, էջ 114-115: Ըստ տեղացիների վկայության: Իսկ ըստ Հ. Հակոբյանի` տասնամյա է դարձել 1977 թ.: Սամվել Կարապետյան, Ախալցխա, Երևան, 2008, էջ 214:

1978 թ․

1978 թ. Ծղալթբիլայում կառուցվել է դպրոցի եռահարկ նոր շենք` ծղալթբիլացի և ջուլղացի երեխաների համար:

Սամվել Կարապետյան, Ախալցխա, Երևան, 2008, էջ 214:

1976 — 1980 թթ․

1976-1980 թվականներին դպրոցում սովորել է 1012 աշակերտ:

Սամվել Կարապետյան, Ախալցխա, Երևան, 2008, էջ 214:

1985 թ․

1985 թ. դպրոցն ուներ 60 ուսուցիչ և 600 աշակերտ:

Դավթյան Ա., Հայկական և հայախառը բնակավայրերը Վրաստանում, Երևան, 1997, էջ 156: Սամվել Կարապետյան, Ախալցխա, Երևան, 2008, էջ 214:

1989 — 1990 թթ․

1989/1990 ուստարում միջնակարգ դպրոցում ուսանել է 377 աշակերտ, ընդ որում, առաջին դասարանում՝ 36 աշակերտ:

Սամվել Կարապետյան, Ախալցխա, Երևան, 2008, էջ 214:

1994 — 2006 թթ․

1994/1995 ուստարում դպրոցն ուներ 30 ուսուցիչ և 299 աշակերտ, 2000/2001-ին` 163, իսկ 2005/2006-ին` 96 աշակերտ: