Հայոց վիճակային Դպրոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Հայոց վիճակային Դպրոց

ԼՂՀ / Շուշի / Շուշի

Նկարագրություն

Համաձայն Հայկունու. «Հայոց վիճակային դպրոցն ունի 4 դասարան (3 հատ էլ պատրաստական), 287 աշակերտ, 11 վարժապետ, 9000 եկամուտ (մօտ 4000-ը` թոշակադրամ) և ծախք` նոյնքան: Աշակերտաց մի մասը` գիւղացիք, իսկ ուսուցիչք, բացի տեսչից, շուշեցիք: Խումբը կազմուած է առաւելապէս ընթացաւարտ ճեմարանականներից և Ներսիսեան դպրանոցի սաներից: Միմեանց հետ համերաշխ են. աշխատասէր. յատկութիւններ, որ մեր դպրոցների համար միշտ և հանապազ պէտք է նախապատիւ համարել: Դպրանոցն աւելի և աւելի կենտրոնացնելու ու վերակազմելու համար ջերմ ձգտում և փափագ կայ: Այդ մասին սրբազան Սագինեանց և հոգաբարձուք աշխատում են, բայց գուցէ շուտ չը յաջողին: Հոգ չէ, ուշ լինի, նուշ լինի: Ամէն կատարելութիւն և յաջողութիւն մէկ գլուխ ձեռք չի բերուիլ: Միայն աշխատելու է դպրանոցի այժմեան խաղաղ վիճակը չը խանգարել, համերաշխ գործակցութիւնը ձեռքից չը փախացնել, մնացեալը իւր կարգին կը լինի հետզհետէ: «Ոյժը ուժի մէջ չէ, այլ ոյժը սիրոյ մէջ է», ասում է իմաստուն առածը»: