Խաչքար :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Հայկական բարձրավանդակ՝ հայոց օրրան

Խաչքար

Խաչքար 1711 — 1720 թթ․

Իրան / Արևելյան Ատրպատական / Մակու / Դարաշամբ

Արձանագրություն, Հայերեն, Փորագիր, Հիշատակագրություն 1711 — 1720 թթ․

Խաչքար գլխավոր եկեղեցու արևմտյան ճակատին` հյուսիսային մեծ խորշում զետեղված խորշիկի մեջ, ստորին մասում` 6 տող.
Ս(ուր)բ խ(ա)չս բարէխօս է | աստապատեցի խօջա | Վէլիկին, կողակցին | Ուղուրին, դստեր | Ավատին, թոռն` Մ(ա)րգ|արին, Աղամին, թվին ՌՃԿ.:

Uluhogian G., Silloge delle epigrafi Armene di S. Stefano di Giulfa, “Ricerca sull’architettura Armena”, vol. 22, Milano, 1981, p. 61. Արմեն Հախնազարյան, Արտազի երեք վանքերը, Երևան, 2012, էջ 305: Ծանոթ. հայերեն վերծանության 3-4-րդ տողերում հավանաբար տպագրական վրիպակի պատճառով բացակայում է «կողակցին | Ուղուրին» հատվածը, սակայն այն առկա է իտալերեն թարգմանության մեջ: Գ. Ուլուհոջյանի մոտ «Ավատին» և «Մ(ա)րգ|արին» բառերի փոխարեն` «Ավսիտին», «Վ(ա)րգ|արին»: Տարեթվի միավորը չի պահպանվել, բայց ակնհայտ է, որ կերտվել է 1711-1720 թթ. միջակայքում:

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 2009 թ․