Սրբապատկեր :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սրբապատկեր 1816 թ․

Իրան / Արևմտյան Ատրպատական / Մակու / Ղարաքիլիսա

Արձանագրություն, Հայերեն, Հիշատակագրություն

Սեղանի խաչկալի մուտքի դռներին՝ կտավի վրա պատկերված են աջ կողմում՝ Թադեոս առաքյալի կենդանագիրը, մի երիտասարդ, որը ձախ ձեռքում ունի գեղարդ, աջում՝ դաշույն, մատների ծայրով էլ դաստառակը բռնած, իսկ ձախ կողմում Աստվածամոր պատկերը ձեռքին Բարդուղիմեոս առաքյալն է։ Պատկերի չափերն են` 0,8 x 0,93 մ (1 սաժ., 2 վերշ. x 1 արշ., 5 վերշ.).
Սբ. Թադեոսի պատկերի գիրն է. Յիշատակ է Սիմէօնի արքեպիսկոպոսի եւ յաջորդ ։ Սբ. Բարդուղիմեոսի պատկերի գիրն է. Սրբոյ տաճարիս սրբազան առաքելոյն Թադէոսի։ Թվ. ՌՄԿԵ (1816)։

Գրակ. Հայաստանի ազգային դիվան, ֆ. 319, ց. 1, գ. 108, թ. 14, 49 (Դադեան Խաչիկ վարդապետ, Տեղեկագիր սրբոյն Թադէոսի Առաքելոյ վանուց): Հրատ. Խ. Վ. (Խաչիկ վրդ. Դադյան), Համառօտ նկարագիր Շաւարշան-Արտազ գաւառի Ս. Թադէոս Առաքելոյ վանքի, «Արարատ», 1898, յունուար, էջ 89 (վրհրտ.` Դատյան Խաչիկ ծ. վարդապետ, Հոդվածների ժողովածու, Ս. Էջմիածին, 2007, էջ 46)։ Ոսկեան Հ., Արտազի վանքը, «Հանդէս Ամսօրեայ», 1941, էջ 34-35: Նույնի` Վասպուրական-Վանի վանքերը, Բ մաս, Վիեննա, 1942, էջ 459-460: Արմեն Հախնազարյան, Արտազի երեք վանքերը, Երևան, 2012, էջ 107: