Խաչուտի Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Խաչուտի Եկեղեցի 12 — 13 դդ․

Թուրքիա / Կարս / Բաշ-շորագյալ / Անի

Տեղադրություն

Խաչուտի (Բախտաղեկի) եկեղեցու մնացորդները գտնվում են Նոր քաղաքի հյուսիսային կողմում՝ Գագկաշենից հյուսիս-արևելք:

Սամվել Կարապետյան, Անի 1050, Երևան, 2011, էջ 173:

Պատմություն
12 — 13 դդ․

Թվագրվում է ԺԲ-ԺԳ դարերով: Հայտնաբերվել է 1892-1893 թթ. պեղումների ժամանակ:

Սամվել Կարապետյան, Անի 1050, Երևան, 2011, էջ 173:

Պեղումների ժամանակ հայտնաբերվել են ելնդագիր խոշոր տառերով բեմառաջի քարերը, ինչպես նաև Քրիստոսի, Աստվածամոր և Հովհաննես Մկրտչի («Դեհիսուս») բարձրաքանդակներով բարավորը: Պեղումներն ի հայտ են բերել նաև եկեղեցու ներքին հարդարանքի կարևոր դրվագ՝ որմնանկարները: Վերջիններս կրում էին հայերեն հիշատակագրություններ:

Սամվել Կարապետյան, Անի 1050, Երևան, 2011, էջ 173:

Հայտնաբերված ճարտարապետական բեկորները, արձանագրություններն ու որմնանկարները զգուշությամբ և խնամքով փոխադրվում են Անիում հիմնված թանգարան, սակայն 1918 և 1920 թթ. Անի ներխուժած թուրքական զորքերն ամեն բան տակնուվրա են անում: Երբեմնի թանգարանի մնացորդների մեջ 2010 թ. գտնվեց Խաչուտի եկեղեցու բարավորի բեկորը:

Սամվել Կարապետյան, Անի 1050, Երևան, 2011, էջ 173:

Ճարտարապետություն

Ունեցել է ուղղանկյուն գմբեթավոր հորինվածք: Միակ մուտքը բացված է եղել արևմտյան ճակատից: Խորանի երկու կողմերում ունեցել է, ամենայն հավանականությամբ, կրկնահարկ ավանդատներ: Տասներկունիստանի որմնակամարազարդ թմբուկը պսակված է եղել հովհարաձև վեղարով:

Սամվել Կարապետյան, Անի 1050, Երևան, 2011, էջ 173:

Արտաքին չափերն են՝ 13,0 x 8,4 մ:

Սամվել Կարապետյան, Անի 1050, Երևան, 2011, էջ 173:

Նկարագրություն

Ներկայումս եկեղեցատեղին հազիվ է նշմարվում:

Սամվել Կարապետյան, Անի 1050, Երևան, 2011, էջ 173:

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 2004 թ․

Պայմանականորեն Խաչուտի (Բախտաղեկի) անունը ստացած եկեղեցու հետքերը

Տեսակը Վերակազմություն
Տեսքը արտաքին
Հեղինակը Պարգև Ֆրանկյան
Աղբյուրը Նշված չէ
Տարեթիվ 2011 թ․

Խաչուտի (Բախտաղեկի) անունը ստացած եկեղեցու եռաչափ մոդելավորմամբ վերակազմությունը