Սբ. Բարաղամ Վանք :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Բարաղամ Վանք

Սիրիա / Լաթաքիա / Քեսաբ / Քեսաբ

Տեղադրություն

Գտնվում է Քեսաբ ավանից մոտ 2.3 կմ հյուսիս-արևելք՝ Պալլում լեռան գագաթին: Տեղադրությունն է՝ N 35o 56' 52.45'', E 35o 59' 35.49'':

Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 6:

Պատմություն

Կառուցվել է Զ դարի սկզբին, հետագայում՝ ավերվել երկրաշարժից և ամայացել: Վերակառուցվել է Ժ դարում և գործել մինչև ԺԳ դար:

The Grove Encyclopedia of Medieval Art & Architecture, editor. Colum Hourihane, vol. 1, New York, 2012, p. 113. Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 6:

Պահպանվել է միայն հիմնական եկեղեցին՝ 1,5 մ բարձրությամբ պատերով (խորանի հատվածը` մինչև 2 մ):

Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 6:

Ճարտարապետություն

Եռանավ բազիլիկ եկեղեցու սրահը երեք զույգ սյուներով բաժանված է 12 հատվածի: Արևմտյան պատին կից առկա է 2 որմնասյուն: Ունի երկու մուտք՝ բացված հարավից և արևմուտքից: Խորանի արևելյան որմին կա մեկ լուսամուտ, իսկ երկու կողմերում՝ 2 բաց ավանդատուն, որոնց յուրաքանչյուրի արևելյան որմին առկա է մեկական խորշ: Որպես շինանյութ գործածվել են տեղական միջին չափերի սրբատաշ, իսկ հավանաբար հետագա նորոգումների ժամանակ՝ նաև փոքր չափերի անմշակ քարեր:

Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 6:

Անվան ծագում

Վանքը կոչվել է Բարաղամ ճգնավորի անվամբ, իսկ տեղացի հայերն անվանում են Բարլում (Պարլում):

«Սիօն», 1866, N 10, էջ 151: Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 6:

Նկարագրություն

Վանքի օժանդակ շինություններն ավերակ են:

«Սիօն», 1866, N 10, էջ 151: Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 6:

1939 թ․

Մինչև 1939 թ. Սիրիա-Թուրքիա նոր սահմանագծումը տեղացի հայերն այստեղ էին նշում Վարդավառի տոնակատարությունը:

1939 թ. սանջակի` Թուրքիային կցելու և նոր սահմանագծման հետևանքով հայկական գյուղերը մնում են Սիրիայի, իսկ վանքը` Թուրքիայի տարածքում, որի հետևանքով էլ այն դադարում է որպես ուխտատեղի ծառայելուց (Չոլաքեան Յ., Քեսապ, հ. Ա, Հալէպ, 1995, էջ 233): Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 6:

Հուշարձաններ

Ավանից Սբ. Բարաղամ վանք տանող ճանապարհին եղել է կամարակապ մի աղբյուր՝ Թեքնեջոք անվամբ, որն այժմ գտնվում է Թուրքիա-Սիրիա սահմանագծին: Աղբյուրն ամբողջությամբ կառուցված էր սրբատաշ քարերով: Ի դարի կեսերին այն արդեն վթարային վիճակում էր:

Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 6:

Տեսակը Լուսանկար
Տեսքը արտաքին
Ուղղությունը ⇓ Հարավից
Աղբյուրը Գունավոր նեգատիվ

Տեսակը Լուսանկար
Տեսքը արտաքին
Աղբյուրը Գունավոր նեգատիվ
Տարեթիվ 2009 թ․

Արևելյան հատվածը

Տեսակը Լուսանկար
Տեսքը արտաքին
Աղբյուրը Գունավոր նեգատիվ

Արևմտյան հատվածը

Տեսակը Չափագրություն
Տեսքը ընդհանուր
Հեղինակը Աշոտ Հակոբյան
Աղբյուրը Գծագիր
Տարեթիվ 2014 թ․

Վանքի հատակագիծը՝ մշակված Աշոտ Հակոբյանի կողմից Google Earthe-ի 2012 թ. արբանյակային լուսանկարի հիման վրա

Անվանում	Հիշ. ժամանակը	Ստուգաբանություն
Բարլաամ
Բարլում
Պարլում