Սբ. Միքայել Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Միքայել Եկեղեցի

Սիրիա / Լաթաքիա / Քեսաբ / Քեսաբ

Տեղադրություն

Գտնվում է ավանի արևելյան թաղամասում: Տեղադրությունն է՝ N 35o 55' 49.75'', E 35o 59' 12.82'':

Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 14:

Պատմություն
1925 թ․

Կառուցվել է 1925 թ. Գուստոդիո Տերրա Սանտա միաբանության ծախսերով: Գլխավոր որմնադիրն է վարպետ Նազար Ուստագարյանը: Քարերը բերվել են Պաշորտ գյուղի քարհանքից:

Ըստ եկեղեցու նախկին ժամկոչ 82-ամյա պրն. Ավետիս Բաբուջյանի՝ 2010 թ. մեզ փոխանցած տեղեկության: Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 14:

1946 թ․

1946 թ. Քեսապի շրջանի լատին այլ կալվածքների հետ մեկտեղ եկեղեցին անցնում է հայ կաթողիկե պատրիարքարանին: Նույն թվականին կաթողիկե համայնքը լքում է իր հին եկեղեցին և սկսում արարողություն կատարել այստեղ:

Կառուցվել է 1860-1861 թթ. արևելյան թաղի կենտրոնում: 1909 թ. հրկիզվել և ավերվել է, իսկ 1910 թ.՝ վերանորոգվել (Չոլաքեան Յ., Քեսապ, հ. Ա, Հալէպ, 1995, էջ 233, 265, 322): Այժմ գործածվում է որպես սրահ (www.armeniancatholic.org). Չոլաքեան Յ., Քեսապի շրջան, «Հասկ. տարեգիրք», Զ տարի, Լիբանան, 1995, էջ 322: Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 14:

Ճարտարապետություն

Եկեղեցին ունի թաղածածկ, երկթեք տանիքով միանավ բազիլիկ հորինվածք: Արտաքուստ արտահայտված հնգանիստ խորանի (գտնվում է հյուսիսում) արևելյան նիստի մուտքը զանգակատան միջով անցում է կատարում դեպի արևելյան ուղղանկյուն միակ ավանդատուն: Սրահը լուսավորվում է արևելյան և արևմտյան որմերի զույգ, ինչպես նաև խորանի հյուսիսաևելյան և հյուսիսարևմտյան նիստերից բացված լուսամուտներով:

Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 14:

Եկեղեցու միակ մուտքը հարավային ճակատից է, որը կառուցվել է սրբատաշ քարերով, մնացած ճակատներն ունեն կոպտատաշ շարվածք:

Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 14:

Վիմագրեր

Եկեղեցու որմերին և նրա շրջաբակում առկա են մի քանի արձանագրություններ:

Րաֆֆի Քորթոշյան, Քեսաբի շրջանի պատմական հուշարձանները, Երևան, 2014, էջ 14:

Արձանագրություն, Փորագիր, Շինարարական 1925 թ․

Արձանագրություն. եկեղեցու հարավային ճակատին` գլխավոր դռան վերևում ամրացված մարմարե սալիկին՝ փորագիր, 2 տող հայերեն և 1 տող արաբերեն.
Ս(ուրբ) Միքայէլ եկեղեցի՝ | կառուցուած 1925: | . ՃDբ MlՎz ՀՎրDiՎճ ^ՂՄԿC ՔwՎՆԻ