Սբ. Գևորգ Վանք :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Գևորգ Վանք

Թուրքիա / Վան / Հայոց Ձոր / Խեք

Նկարագրություն

1895 թ. թալանվում ու ամայանում է: Դարասկզբին վանքի անգմբեթ եկեղեցին արդեն կիսով չափ ավերված էր:

«Արարատ», 1896, Բ, էջ 88; Ե, էջ 247: Ոսկեան Հ., Վասպուրական-Վանի վանքերը, մաս Գ, Վիեննա, 1947, էջ 755-756: Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 100:

2014 թ․

2014 թ. պարզվեց, որ այս վանքն արդեն տասնամյակներ շարունակ գյուղաբնակների ձեռքով անվերջ տակնուվրա է արվել և դեռ արվում է հայերից մնացած գանձերը գտնելու հույսով:

Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 100:

«...Անճաշակ ու հին ձեւով շինուած մի վանք է ս. Գէորգի վանքը Խէգ գիւղէն 20 վայրկ. հեռու` նրա արեւմտա-հարաւակողմը: Վանքն ունի բաւականին յարմար շինութիւններ, որոնք... վերջին տարիները անտէր մնալով` քայքայւած, խալխլւած են: Ըստ աւանդութեան այս վանքը եղած է զբօսավայր մը Հայկաբերդի հայ մեծերուն ու անոնց ընտանիքներուն: Ս. Գէորգը հարուստ է ընդարձակ հողերով եւ առատ ջուրերով: Աղթամարը վարձու տւած է 40 չափ ցորենով...»:

Ա. Մենակ (Մաքսապետյան Արմենակ), Հայոց-Ձոր, «Աշխատանք», 1911, N 11, 27 մարտ, էջ 4: Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 100:

Արձանագրություններ

Մի մեծ փոսի վերածված վանքատեղիի շրջապատի գրեթե գետնահավասար ժայռերի վրա առկա են, ցավոք, արդեն խիստ հողմահար ու անընթեռնելի դարձած մի քանի համառոտ հիշատակագրություններ և նվիրատվական բնույթի բազմաթիվ մեծ ու փոքր պարզ խաչաքանդակներ:

Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 100:

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 2014 թ․

Սբ. Գևորգ վանքատեղին