Տաճկաձոր :: ՀԱՅԱՍՏԱՆԻ ՏԵՂԱՆՈՒՆՆԵՐ

Հուշարձան

ԼՂՀ (Երկիր) / Քաշունիք (Շրջան) / Տաճկաձոր (Գյուղ)

Պատմություն

Տաճկաձորը (6 դահեկան հարկաչափով) Մյուս Բաղք կամ Քաշունիք գավառի գյուղերի ցանկում հիշատակում է Ստ. Օրբելյանը: Գյուղը նույն անվամբ հայտնի է եղել նաեւ XIX դարում:

Ստեփանոս Օրբելյան, Սյունիքի պատմություն, Երեւան, 1986, էջ 401։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 190:

Տեղադրություն
1885 թ․

Ս. Բահաթրյանը 1885-ին գրել է. «... Տաճկաձոր, Կուսաքարեր եւ Ային գիւղերի աւերակները գտնվում են այժմեան քրդաբնակ Ջիբիկլուի մօտ»:

Ս. Բահաթրեան, Զանգեզուր, «Նոր Դար», 1885, N 28, էջ 3։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 190:

Նկարագրություն
19 — 20 դդ․

XIX-XX դարերում կազմված ու հրատարակված բազմաթիվ քարտեզներից եւ ոչ մեկում Տաճկաձոր տեղանվանն այլեւս չենք հանդիպում, բայց դրա փոխարեն (Վերին կամ Հին) Ջիբիկլուից 4,5 կմ հյուսիս-արեւելք «5 վերստանոց» քարտեզում ցույց է տրված Մամեդլի (Մամատլի) գյուղը: Դժվար չէ կռահել, որ այստեղ եւս նախապատվությունը տրվել է նույն բնակավայրի անվան թուրքական տարբերակին՝ ռուսական քարտեզագրությանն, առհասարակ, բնորոշ մի երեւույթ:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 190:

Անվանում	Հիշ. ժամանակը	Ստուգաբանություն
Մամեդլի