Ջուլղա :: ՀԱՅԱՍՏԱՆԻ ՏԵՂԱՆՈՒՆՆԵՐ

7 Հուշարձան

Վրաստան (Երկիր) / Ախալցխա (Շրջան) / Ջուլղա (Գյուղ)

Տեղադրություն

Գտնվում է Ախալցխայից ուղիղ գծով 10,5 կմ հարավ-արևմուտք` ծովի մակերևույթից 1280-1380 մ բարձրության վրա: Բնակավայրը հարավ-արևմուտքից և հյուսիսից համապատասխանաբար կից է Ծղալթբիլա և Աբաթխև գյուղերին:

Սամվել Կարապետյան, Ախալցխա, Երևան, 2008, էջ 266:

Պատմություն

Երկրորդ աշխարհամարտին գյուղաբնակներից ռազմաճակատ է մեկնել 77 հոգի, որից 33-ը զոհվել է:

Սամվել Կարապետյան, Ախալցխա, Երևան, 2008, էջ 266:

Բնակչություն
1830 թ․

Գյուղի ներկայիս բնակիչների նախնիները փոխադրվել են 1830 թ. Կարինի Չիֆթլիկ գյուղից:

Յակոբեան Պ., Հրաւէր ողջմտութեան, Ս. Էջմիածին, 1993, էջ 131: Տե՛ս նաև Դարբինյան Վ., Նորշեն-Ծղալթբիլա, հ. Ա, Երևան, 2003, էջ 68: Չիֆթլիկ գյուղը գտնվում է գավառի արևելակողմում` Էրզրումից 7 կմ հյուսիս-արևմուտք` Կան և Կես գյուղերի հարևանությամբ: Ներկայումս պաշտոնապես վերանվանված է Չիֆթլիքքյոյ (Çiftlikköy): Սամվել Կարապետյան, Ախալցխա, Երևան, 2008, էջ 266:

Ավանդաբար վկայվել է, որ 1830 թ. գյուղում հաստատվել է 7 գերդաստան Սոփերենց Պապիկի գլխավորությամբ` Աղաբաբյաններ (նրանցից հետագայում ճյուղավորվել են Քերոբյանները), Բալանյաններ (Բալասանյաններ), Դուրգալյաններ, Յադիգարյաններ, Սոփերենք (Պապիկյաններ), Սանթրոսյաններ, Փանչոյաններ (նրանցից ճյուղավորվել են Փայլյանները):

Ըստ տեղացիների վկայության: Սամվել Կարապետյան, Ախալցխա, Երևան, 2008, էջ 266:

Քահանա
1915 թ․

1915 թ. գյուղում քահանայագործել է Քերոբ Տեր-Պողոսյանը:

Օրացոյց եւ պատկեր տօնից, Թիֆլիզ, 1915, էջ 80: Սամվել Կարապետյան, Ախալցխա, Երևան, 2008, էջ 267:

Ջրամատակարարում
1938 թ․

1938 թ. վերակառուցվել է գյուղամիջի բնական աղբյուրը, որի ջուրը բավարարում է ողջ գյուղին:

Սամվել Կարապետյան, Ախալցխա, Երևան, 2008, էջ 266:

Անվանում	Հիշ. ժամանակը	Ստուգաբանություն
Ճուլղա

Առկա սակավաթիվ տվյալների համադրումը ցույց է տալիս, որ մինչև խորհրդային վերջին տարիները բնակչության աճ արձանագրած Ջուլղայում վերջին տասնամյակում ծայր առած արտագաղթի հետևանքով բնակչությունը գրեթե կիսով չափ նվազել է.

Թվական	Հայ տուն	Հայ արական	Հայ իգական	Հայ ընդամենը	Նշումներ	Աղբյուր
1985	135			260		Դավթյան Ա., Հայկական և հայախառը բնակավայրերը Վրաստանում, Երևան, 1997, էջ 185: Սամվել Կարապետյան, Ախալցխա, Երևան, 2008, էջ 266:
1989	135			450	Գյուղխորհրդից առնված տվյալները մեզ է փոխանցել ծղալթբիլեցի Մելիք Մկրտչի Մոսիկյանը:	Սամվել Կարապետյան, Ախալցխա, Երևան, 2008, էջ 266:
1991				471	Ըստ գյուղապետարանի տվյալների:	Սամվել Կարապետյան, Ախալցխա, Երևան, 2008, էջ 266:
2006	118			298	Ըստ գյուղապետարանի տվյալների:	Սամվել Կարապետյան, Ախալցխա, Երևան, 2008, էջ 266:
2007	124	117	126	243	Ըստ գյուղապետարանի լիազորված անձ Պետրոս Միսակի Վարդանյանի:	Սամվել Կարապետյան, Ախալցխա, Երևան, 2008, էջ 266: