Կատոս :: ՀԱՅԱՍՏԱՆԻ ՏԵՂԱՆՈՒՆՆԵՐ

8 Հուշարձան

ԼՂՀ (Երկիր) / Քաշաթաղ (Շրջան) / Կատոս (Գյուղ)

Տեղադրություն

Շեյլանլիից ընդամենը 1,5 կմ հարավ-արեւելք, Հոչանց գետից 1 կմ հարավ (աջ կողմում) եւ ծովի մակերեւույթից 1640-1760 մ բարձրության վրա (գետափից շուրջ 280 մ միջին բարձրությամբ) գտնվում է ըստ ամենայնի պատմական անվանումը պահպանած Կատոս գյուղը:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 156:

Բնակչություն
1985 թ․

Վերջին երկու հարյուրամյակում հարեւան գյուղերի նման Կատոսը նույնպես բնակեցված է եղել քրդերով, ընդ որում, ընդհուպ 1985 թ. մեր այցելության ժամանակ, դրանց մեջ դեռեւս քիչ չէին նաեւ մայրենի՝ քրդերենով խոսողները (նույնը եւ Շեյլանլիում):

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 156:

Պատմություն
1567 թ․

1567 թ. Հակարու երկրի Գետուզ գյուղում գրված մի ձեռագիր «Ավետարան»–ի գոյությունը կարծել է տալիս, թե Գետուզն ու Կատոսը միեւնույն գյուղի քիչ այլակերպված արտասանություններն են: Սակայն, անկախ այդ հանգամանքից գյուղի տարածքում պահպանված նյութական մշակույթի հուշարձանները ուղղակի վկայում են, որ ներկայիս Կատոս գյուղի պատմությունը սկիզբ է առնում առնվազն վաղ միջնադարից:

«Ցուցակ Ձեոագրաց», հատոր Ա, Երեւան, 1965, ձեո. N 4932։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 156-157:

Տեսակը Լուսանկար
Տեսքը ընդհանուր
Ուղղությունը ⇓ Հարավից
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Անվանում	Հիշ. ժամանակը	Ստուգաբանություն
Գետուզ