Վարազգոմ :: ՀԱՅԱՍՏԱՆԻ ՏԵՂԱՆՈՒՆՆԵՐ

7 Հուշարձան

ԼՂՀ (Երկիր) / Քաշաթաղ (Շրջան) / Վարազգոմ (Գյուղ)

Նկարագրություն

Մերիկ եւ Ղուշչի գյուղերի միջեւ՝ Աղավնագետի ձախ կողմում, գետափից 2 կմ հեռավորությամբ, ձորակի մեջ երկարավուն հրվանդանաձեւ հարթության վերջավորության վրա, խիստ վթարային, բայց դեռեւս կանգուն վիճակում պահպանվում է խաչաձեւ, երկխորան-գմբեթավոր եզակի հորինվածքով չափազանց ուշագրավ ու արժեքավոր մի եկեղեցի: Նրա շուրջ տարածվում է թրքացած քրդերի կողմից Վարազղան հորջորջված գյուղատեղին: Վերջինս 1904 թ. հրատարակված «5 վերստանոց» քարտեզում նշված է Վարազգուն տարբերակով: Կարծում ենք՝ նրա նախնական անվանաձեւը եղել է Վարազգոմ:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 136:

Գյուղատեղիում, բացի դարուփոսերի վերածված հին տնատեղերի ավերակներից, պահպանվել են նաեւ ժայռափոր կացարաններ: Դրանք ունեն սովորական դռան չափերով մեկ մուտք եւ 3x4 մ ներքին միջին չափեր (բարձրությունը 2,0-2,2 մ):

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 136:

Անվանում	Հիշ. ժամանակը	Ստուգաբանություն
Վարազգուն
Վարազղան