Բախտրիոն :: ՀԱՅԱՍՏԱՆԻ ՏԵՂԱՆՈՒՆՆԵՐ

Հուշարձան

Վրաստան (Երկիր) / Կախեթ (Մարզ) / Ախմետա (Շրջան) / Բախտրիոն (Գյուղ)

Պատմություն
1914 թ․

Վավերագրում Բախտրիոնը հիշվում է Մատան և Մաղրան գյուղերի հետ, ուստի գտնվում էր այդ գյուղերի շրջանում (Ախմետայի շրջան): 1914 թ. Բախտրիոն անվամբ գյուղ հիշատակված է Թիանեթի գավառում: Այն ուներ 64 վրացի բնակիչ: Այս անվամբ գյուղ Կախեթում չկա, բայց տեղադրությամբ (Ախմետայից 4 կմ հյուսիս-արևելք) այն համապատասխանում է ներկայիս Խորբալո գյուղին:

“Кавказский календарь на 1915 г.”, Тифлис, 1914, с. 97.

Բնակչություն
1802 թ․

Բախտրիոնում հայերի գոյության առաջին վկայություններից մեկը վերաբերում է 1802 թ.:

“Акты собранные Кавказскою археографическою комиссиею”, т. 1, Тифлис, 1866, с. 471.

1803 թ․

1803 թ. Բախտրիոնը բաղկացած էր 41 տնից (114 ար., 105 իգ.), որից միայն 1-ը՝ հայ, մնացածը՝ վրացի: 1818 թ. տեղաբնիկ վրացիներից զատ հիշվում են քոլագիրցի Մղերաբ Պողոսի (կինն էր Մարիամը, որդիները՝ Սարգիսը, Գիգոլը և Ավետիքը, դուստրը՝ Մարթան) և ղազախեցի Ղազարի որդի Գլախայի (կինն էր Քեթեվանը, որդիները՝ Դավութն ու Գիգոլին, դուստրը՝ Դարեջանը) ընտանիքները՝ 11 շունչ (7 ար. և 4 իգ.):