ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Արըքլի 11 Հուշարձան

ԼՂՀ (Երկիր) / Քաշաթաղ (Շրջան) / Արըքլի (Գյուղ)

Տեղադրություն

Զույգ գյուղերը, որոնք թրքախոս քրդերը Արըքլի են անվանել, գտնվում են Շալվա գետին ձախից միախառնվող Ղորչու վտակի ձախ կողմի անտառապատ ձորալանջերին եւ, հավանաբար, նույն գյուղի վերին եւ ներքին մասերն են: Սրանցից առաջինը փռված է սարալանջի հարավահայաց փեշին, ծովի մակերեւույթից 1600-1680 մ բարձրության վրա:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 167:

Պատմություն

Թերեւս սա Կաղանկատվացու հիշատակած Արքուգետ բնակավայրն է: Նա վկայում է, որ. «...արշաւանս առնէր յաշխարհն Սիւնեաց եւ գերի վարեալ զԲաղացն սահմանս՝ գայ իջանէ յԱղահէջ գաւառ՝ յաւան մի՝ Արքուգետ կոչեցեալ, եւ իսկոյն հրամայէ այրել զեկեղեցին, որ սրբոյն Գրիգորի էր անուանադրեալ»:

Մովսէս Կաղանկատուացի, Պատմութիւն Աղուանից աշխարհի, Երեւան, 1983, Էջ 331:
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 167:

Բացառված չէ նաեւ, որ այս Արքուգետը Օրբելյանի հիշատակած Արքո գյուղն է, որը շատ ավելի ուշ քրդերի արտասանությամբ դարձել էր Արըքլի:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 167:

Նկարագրություն

Ներքին Արըքլին (Արքո) ավելի ընդարձակ գյուղատեղի է, բայց այստեղ հայկական հետքերն իսպառ անհետացել են:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 168:

Անվանում	Հիշ. ժամանակը	Ստուգաբանություն
Արքուգետ
Արքո
Ներքին Արքո