ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Թորոսաձոր Հուշարձան

ԼՂՀ (Երկիր) / Կովսական (Շրջան) / Թորոսաձոր (Տարածք)

Տեղադրություն

Թորոսաձորը «... գտնվում է Եմազլու գիւղի հանդէպ եւ ձգւում է Խդրանցից մինչեւ Բարկուշատի գետը»:

«Ազգագրական հանդէս», գիրք XII, Թիֆլիս, 1905, էջ 189-190։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 203:

Անվան ծագում
1720 թ․

Վտակն իր անունն առել է 1720-ականների սկզբին այդտեղ հաստատված Թորոս իշխանի անունից։ Ըստ Օրբելյանի. «...Թորոս իշխանը գաղթած է եղել Սողանլուից եւ հաստատուել է Թորոսաց-ձոր ասուած տեղում, որ գտնւում է Եմազլու գիւղի հանդէպ...»:

«Ազգագրական հանդէս», գիրք XII, Թիֆլիս, 1905, էջ 189-190։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 203:

Նկարագրություն

Այս վտակի հովտում եւ մերձակայքում են գտնվում Վերին, Ներքին եւ Միջին Եմազլու գյուղերը, ինչպես նաեւ Սպիտակաղբյուր (Աղբիս), Խաչտափ (Սարալիխեշտաբ), Տանձատափ (Ղարաբաբա), Մեծ եւ Դարա Գիլյաթաղ, Վթանանց (Վենեթլի), Կզրխանա (Գիզրխանա), Ալադին (Շամլի) եւ Իսքյանդարբեկլի գյուղատեղիները։ Թվարկված գյուղերի մեծ մասին՝ ուշ շրջանում տրված օտար անունների կողքին, բարեբախտաբար, մոռացության չեն մատնվել նաեւ դրանց պատմական անունները: