ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Ափնիա 2 Հուշարձան

Վրաստան (Երկիր) / Ջավախք (Գավառ) / Ախալքալաք (Շրջան) / Ափնիա (Գյուղ)

Տեղադրություն

Գտնվում է Ախալքալաքից ուղիղ գծով 17 կմ հարավ-արևմուտք, ծ. մ. 1740-1748 մ բարձրության վրա, դեպի Կուր գետը նայող խորանդունդ ձորապռնկի հարթության վրա:

Սամվել Կարապետյան, Ջավախք, Երևան, 2006, էջ 89:

Պատմություն
1595 թ․

Համաձայն 1595 թ. օսմանյան կառավարության կազմած հարկացուցակի՝ Ափնիան ունեցել է 35 տուն, հարկվել է 10.000 ակչե:

“გურჯისტანის ვილაიეთის დიდი დავთარი”, էջ 214-215: Սամվել Կարապետյան, Ջավախք, Երևան, 2006, էջ 89:

1705 — 1706 թթ․

Բնակչության բռնի մահմեդականացումից հետո, 1705-1706 թթ.` տանուտեր Օսմանի օրոք, գյուղը հարկվել է 24.499 ակչե:

“ჩილდირის ეიალეთის ჯაბა დავთარი 1694-1732 წწ.”, էջ 120: Սամվել Կարապետյան, Ջավախք, Երևան, 2006, էջ 89:

1990 թ․

1990-ական թթ. կառավարության ջանքերի շնորհիվ Ափնիայում վերաբնակիչ աջարների համար կառուցվել են շուրջ 30 բնակելի երկհարկ տներ, որոնց մեծ մասն այժմ օգտագործվում է որպես գոմ:

Սամվել Կարապետյան, Ջավախք, Երևան, 2006, էջ 89:

Տնտեսություն
1899 — 1900 թթ․

1899-1900 թթ., հացի բզեզի և հոտենտոտյան մլուկի հասցրած վնասների հետևանքով, Ափնիայի գյուղատնտեսությունը հայտնվել է ծանր կացության մեջ: Այդ պատճառով կառավարական հատուկ կոմիտեն բնակավայրը դասել է երկրորդ կարգի տուժած գյուղերի շարքում:

Սալլիւմեան, Անբերրիութիւնը Ախալքալաքի գաւառում եւ նրա հետեւանքները, «Մուրճ», 1901, N 6, էջ 248: Սամվել Կարապետյան, Ջավախք, Երևան, 2006, էջ 89:

Վրացաբնակ այս գյուղում խորհրդային տարիների ընթացքում տեղի է ունեցել բնակչության շարունակական նվազում.

Թվական	Վրացի տուն	Վրացի արական	Վրացի իգական	Վրացի ընդամենը	Նշումներ	Աղբյուր
1901	16	95	82	177		«Մշակ», 1901, N 40, էջ 1: Սամվել Կարապետյան, Ջավախք, Երևան, 2006, էջ 89:
1914				369		“Кавказский календарь на 1915 г.”, Тифлис, 1914, էջ 89: Սամվել Կարապետյան, Ջավախք, Երևան, 2006, էջ 89:
1987	6			17	Ըստ գյուղխորհրդի տվյալների։	Սամվել Կարապետյան, Ջավախք, Երևան, 2006, էջ 89: