ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Գորելովկա 2 Հուշարձան

Վրաստան (Երկիր) / Ջավախք (Գավառ) / Ախալքալաք (Շրջան) / Գորելովկա (Գյուղ)

Տեղադրություն

Գտնվում է Ախալքալաքից ուղիղ գծով 26 կմ հարավ-արևելք, շրջկենտրոն Նինոծմինդայից 10 կմ հարավ-արևելք, Կումայրի-Ախալքալաք մայրուղում, ծ. մ. 2040-2060 մ բարձրության վրա, Մադաթափա լճից սկիզբ առնող վտակի աջ ափին:

Սամվել Կարապետյան, Ջավախք, Երևան, 2006, էջ 150:

Պատմություն
1930 թ․

Հայտնի է, որ տակավին 1930-ական թվականներին տեղացիների շրջանում պահպանվել է բնակավայրի նախկին անվանումը՝ Բուղդաշեն ձևով:

ბერძენიშვილი ნ., նշվ. աշխ., էջ 80: Սամվել Կարապետյան, Ջավախք, Երևան, 2006, էջ 150:

Բնակչություն
1909 թ․

Թվաքանակի վերաբերյալ վիճակագրական նյութերը բավականին աղքատիկ են: Հայտնի է, որ 1909 թ. գյուղն ունեցել է 201 տուն, 2133 ռուս դուխոբոր բնակիչ, 1914 թ.՝ 2880 շունչ, 1926-ին՝ 311 տուն, 2124 շունչ (94 հայ, 1903 ուկրաինացի, 112 ռուս, 2 վրացի, 2 քուրդ և 11 այլազգի):

“Тифлисский листок”, 1909, N 191, էջ 5: “Кавказский календарь на 1915 г.”, Тифлис, 1914, էջ 112: Արոյան Ս., Բեկորներ Մշո ջոջ քարի, Երևան, 1997, էջ 123: Սամվել Կարապետյան, Ջավախք, Երևան, 2006, էջ 150:

1991 թ․

Վրաստանի անկախացումից հետո՝ 1991 թ., տեղի է ունեցել գորելովկացիների զանգվածային արտագաղթ, որի հետևանքով ներկայումս գյուղում բնակվում են ընդամենը մի քանի հարյուր մարդ:

“Свободная Грузия”, 1 ноября 1997, N 198. Սամվել Կարապետյան, Ջավախք, Երևան, 2006, էջ 150:

1990 — 2004 թթ․

1990-ականներին Գորելովկային «վրացական շունչ» հաղորդելու նպատակով միջոցներ ձեռնարկեցին տեղում մինչև 30 ընտանիք աջար վերաբնակիչներ հաստատելու ուղղությամբ, բայց 2004 թ. նրանցից մնացել էին միայն 4-ը:

მაისურაძე კ., ჯავახეთში ქართული სკოლები იხურება, “Georgian Times”, 17-24.06.2004, N 24: Սամվել Կարապետյան, Ջավախք, Երևան, 2006, էջ 150:

Նկարագրություն
19 դ․

ԺԹ դարում գյուղում հայտնի էր դուխոբորների հոգևոր առաջնորդ Կալմիկովների գերդաստանը, որոնց բնակելի տունն իր ժողովարանով հանդերձ Գորելովկայի առավել աչքի ընկնող շինություններից էր:

Լալայան Ե., Երկեր, հ. 1, Երևան, 1983, էջ 62-64: Սամվել Կարապետյան, Ջավախք, Երևան, 2006, էջ 150:

Անվանում	Հիշ. ժամանակը	Ստուգաբանություն
Բուղդաշեն