ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Պրտենա 1 Հուշարձան

Վրաստան (Երկիր) / Ջավախք (Գավառ) / Ախալքալաք (Շրջան) / Պրտենա (Գյուղ)

Տեղադրություն

Գտնվում է Ախալքալաքից ուղիղ գծով 7 կմ հյուսիս-արևմուտք, Փարվանա գետի ձախ ձորապռնկին, ծ. մ. 1680 մ բարձրության վրա:

Սամվել Կարապետյան, Ջավախք, Երևան, 2006, էջ 424:

Պատմություն
1595 թ․

1595 թ. Պրտենան ունեցել է 16 տուն, հարկվել է 16.000 ակչե: Հատկանշական է, որ ԺԶ դարում Պրտենան ունեցել է նաև հայ բնակչություն, քանի որ տնատեր համագյուղացիների թվում հիշվում են հայկական կամ հայկական միջավայրում տարածում գտած անուններ կրող անձինք (Հակոբ, Սարգիս, Դովլաթիար և այլն):

”გურჯისტანის ვილაიეთის დიდი დავთარი”, էջ 174: Սամվել Կարապետյան, Ջավախք, Երևան, 2006, էջ 424:

1705 — 1706 թթ․

Հայտնի է նաև, որ բնակչության բռնի մահմեդականացումից հետո` 1705-1706 թթ.` զեամեթ Ահմեդի օրոք հարկվել է 25.000 ակչե:

”ჩილდირის ეიალეთის ჯაბა დავთარი 1694-1732 წწ.”, էջ 119: Սամվել Կարապետյան, Ջավախք, Երևան, 2006, էջ 424:

1899 — 1900 թթ․

1899-1900 թթ. հացի բզեզի և հոտենտոտյան մլուկի հասցրած վնասների հետևանքով Պրտենայի գյուղատնտեսությունը հայտնվել է դժվարին կացության մեջ՝ կառավարական հատուկ կոմիտեի կողմից դասվելով աղետից տուժած երկրորդ կարգի բնակավայրերի շարքում:

Սալլիւմեան, Անբերրիութիւնը Ախալքալաքի գաւառում եւ նրա հետեւանքները, «Մուրճ», 1901, N 6, էջ 248: Սամվել Կարապետյան, Ջավախք, Երևան, 2006, էջ 424:

Բնակչություն

Երկրորդ աշխարհամարտին մասնակցած 84 պրտենացիներից 33-ը զոհվել է:

Դավթյան Ա., Ջավախք, Երևան, 1994, էջ 102: Սամվել Կարապետյան, Ջավախք, Երևան, 2006, էջ 424:

1914 — 1987 թթ․

Ջավախքի վրացաբնակ գյուղերից է: 1914 թ. գյուղն ունեցել է 497 շունչ, իսկ 1987-ին՝ 52 տուն, 182 շունչ: