ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Շորավ 2 Հուշարձան

Իրան (Երկիր) / Խոյ (Գավառ) / Շորավ (Գյուղ)

Տեղադրություն

«Շօր-ավ (աղի ջուր) գտնվում է Խօյից մօտ 3/4 ժամ հեռավորութեան վրա՝ դէպի արեւելք»:

«Մշակ», 1902, N 132, էջ 3:

Գտնվում է «Քաղաքիս հարաւ-արևելեան կողմում, կէս ժամ հեռաւորութեան վրա, մի գեղածիծաղ մարգագետնի ափին...»:

«Մշակ», 1904, N 201, 17 սեպտեմբեր, էջ 3:

Պատմություն
1898 թ․

«Շորաւը նոր է կազմուել, 98 թւին: Այդ թւից մի տարի առաջ, յայտնի դէպքերից յետոյ, երբ Շարաֆ-բէգը կոտորեց Վառ գիւղի հայերի մի մասը, մնացածները գաղթեցին, շարժուեցին դէպի քաղաքի մօտերը, բնակութիւն հաստատեցին 20 րոպէի հեռաւութեան վրայ և կազմեցին այժմեան Շորաւ գիւղը...:»

«Մուրճ», 1903, N 11, էջ 63:

«Այս գիւղը չորս տարի է, որ հաստատվել է. բնակիչները գրեթէ միմիայն 1894-ի կոտորածից իրանց չոր գլուխը ազատել կարողացողներն են, նրանք եկել են Թիւրքիայից եւ այս գիւղում նորից տուն են շինել նոր կեանք սկսել»:

«Մշակ», 1902, N 132, էջ 3:

«Շօրաւը՝ թէև հաստատվելիս միայն 5-6 տանից էր բաղկացած, բայց տարեց-տարի մեծանալու վրա է և հաւանաբար մի օր նախկին Վառ գիւղի (57 տուն) չափ կը դառնայ...»:

«Մշակ», 1904, N 201, 17 սեպտեմբեր, էջ 3:

Բնակչություն

«Մօտ 25 տունը հայեր կան եւ այս թւից քիչ աւելի թուրքեր...»:

«Մշակ», 1902, N 132, էջ 3:

«... 35 տուն հայերից բաղկացած նորաշէն Շօրաւ գիւղի բնակիչները 97 թւի ամառը քրէական բարբարոսութեան ենթարկվելով, իրանց սիրելիներից շատերին և ամբողջ գոյքերը մի քանի ժամվայ մէջ կորցնելուց յետոյ, անմխիթար վիճակի մէջ թողին իրանց նախնական Վառ գիւղը և այդտեղ ապաստարան ընտրեցին»:

«Մշակ», 1904, N 201, 17 սեպտեմբեր, էջ 3:

Քահանա
1903 թ․

1903 թ. հիշվում է Շորավի քահանան:

«Մուրճ», 1903, N 11, էջ 64:

Նկարագրություն

«Գիւղը շինւած է մի տափարակ տեղ»:

«Մշակ», 1902, N 132, էջ 3:

Բնակչություն.

Թվական	Հայ տուն	Հայ ընդամենը	Նշումներ	Աղբյուր
1903	17	102	Յուրաքանչյուր տունը հաշվելով 6 անձ:	«Մուրճ», 1903, N 11, էջ 63:
1913	30			«Հորիզոն», 1913, N 196, էջ 3: