ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Կրման Հուշարձան

Թուրքիա (Երկիր) / Էրզրում (Նահանգ) / Սպեր (Գավառ) / Խոտորջուր (Գավառակ) / Կրման (Գյուղ)

Պատմություն
1913 թ․

Կարնո նահանգի Սպեր գավառի Խոտորջուր գավառակի Կրման գյուղում 1913 թ. լույս է տեսել խմորատիպ «Տայոց աշխարհ» թերթը, իսկ 1914 թ.՝ «Աղաւնի Տայոց» ամսագիրը: Երկուսն էլ հրատարակվել են Աթանաս Ղազարյան և Վահան Քչուրյան վարդապետների խմբագրությամբ: Ի դեպ, «Աղաւնի Տայոց» «խմորատիպ թերթին միայն երկու թիւ կրնան լոյս ընծայել»:

Կրմանցի Աթանաս վարդապետ Ղազարյանը (1882, Կրման-նահատակված 1915 թ.) 1909 թ. ձեռնադրվել է քահանա և նշանակվել Կրմանի ժողովրդապետի օգնական և ուսուցիչ:
Խոտորջուրցի Վահան վարդապետ (1930 թ.-ից արքեպիսկոպոս) Քչուրյանը (1874, Կարին-1936, Բեյրութ) հեղինակել է «Տարագրութեան յուշեր» և ոտանավորներ (անտիպ են):
Հուլունեան Յ., Հաճեան Մ., Յուշամատեան Խոտորջուրի, Վիեննա, 1964, էջ 260, 264:
Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 22:

Տեսակը Լուսանկար
Տեսքը արտաքին
Աղբյուրը Սեւ-սպիտակ նեգատիվ

Վահան Քչուրյան