ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Այղրգյոլ Հուշարձան

Թուրքիա (Երկիր) / Վան (Նահանգ) / Արծկե (Գավառ) / Այղրգյոլ (Գյուղ)

Տեղադրություն

Գտնվում է Արծկե քաղաքից 8,5 կմ հյուսիս-արևելք՝ Ակն կամ Ճերմակ լճի հյուսիսարևմտյան ափին՝ ծովի մակերևույթից 1950-1965 մ բարձրության վրա:

Սամվել Կարապետյան, Հայաստանի պատմություն, հ. Գ, Արծկե, Երևան, 2018, էջ 51:

Այլ անվանումներ

Պատմական անունը մոռացվել է: Այլազգիներից ստացած և ցարդ անփոփոխ մնացած գյուղանունը (պաշտոնապես՝ Aygırgölü) առաջին անգամ վկայվել է 1605 թ. թուրքական հարկամատյանում:

Kılıç O., XVI. Yüzyülda Adilcevaz ve Ahlat (1534-1605), Ankara, 1999, s. 24.
Սամվել Կարապետյան, Հայաստանի պատմություն, հ. Գ, Արծկե, Երևան, 2018, էջ 51:

Բնակչություն

1897 թ. ուներ ընդամենը 2 տուն հայ և արդեն 8 տուն քուրդ բնակիչ:

Маевский В., Ванский вилает. военно-статистическое описание, Тифлис, 1901, С. 289.
Սամվել Կարապետյան, Հայաստանի պատմություն, հ. Գ, Արծկե, Երևան, 2018, էջ 51:

2013 թ. գյուղի բնակիչներն էին 6 տուն սուննի (հանեֆի ճյուղից) թուրքերը:

Ի դեպ, տեղացիները վկայում են, թե իբր իրենց նախնիները սերում են արաբական Աբբասյանների հարստությունից և դուրս գալով Պարսկաստանից՝ այդտեղ են հաստատվել 200 տարի առաջ: Դժվար չէ կռահել, որ թուրքերի՝ գյուղում հաստատվելը հազիվ թե մեկ դարի պատմություն ունենա, քանի որ գոնե 1897 թ., ի թիվս նրա բնակիչների, արձանագրված են ո՛չ թե թուրքերը, այլ հայերն ու քրդերը:
Սամվել Կարապետյան, Հայաստանի պատմություն, հ. Գ, Արծկե, Երևան, 2018, էջ 51:

Զբաղմունք

Զբաղվում են անասնապահությամբ, ինչպես նաև ձկնորսությամբ (Ակնա լճում առկա է 4 տեսակի ձուկ՝ կարմրախայտ, արծաթագույն, դեղին, պարզ սազան):

Սամվել Կարապետյան, Հայաստանի պատմություն, հ. Գ, Արծկե, Երևան, 2018, էջ 52:

Վիմագրեր

Գյուղամիջի բնակելի տներից երկուսն ունեն Ղուրանից քաղված հատվածներով 1955 և 1978 թթ. արաբերեն արձանագրություններ: