ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Ածղվեր Հուշարձան

Վրաստան (Երկիր) / Կախեթ (Մարզ) / Ախմետա (Շրջան) / Ածղվեր (Գյուղ)

Տեղադրություն

Գտնվում է շրջկենտրոնից 17 կմ հարավ-արևելք, նույն ուղղությամբ կից է Վերին Խոդաշեն գյուղին:

Սամվել Կարապետյան, Հայերը Կախեթում, Երեւան, 2004, էջ 19:

Բնակչություն
19 դ․

Վրացաբնակ այս գյուղում, հավանաբար, ԺԹ դարի սկզբներին հաստատվել են սակավաթիվ հայեր: 1818 թ. նրանք կազմել են ընդամենը 2 ծուխ՝ 12 շունչ (7 ար., 5 իգ.): Ի դեպ, երկու ծխերն էլ այստեղ են փոխադրվել Թելավ քաղաքից: 1843 թ. մի այլ վավերագրից տեղեկանում ենք, որ Ածղվերում դեռևս հայեր էին բնակվում, բայց նրանք մոտակա սակավահայ գյուղերի պես մնացել էին անքահանա: Հետագա փաստաթղթերում ածղվերաբնակ հայերի մասին այլևս ոչ մի վկայության չենք հանդիպել:

Հայաստանի ազգային արխիվ, ֆ. 53, ց. 1, գ. 2569, թ. 21: Ի դեպ, նույն վավերագրում տրված է նաև բնակիչների անվանացանկը. «1. Թէլավու Ձվէլգալավանցի Շալվարի որդի Դաւիթ, կինն՝ Մարթայ, որդի Գիգօլ: 2. Թէլավէցի Գիօրգւոյ որդիք Յարութիւն և Մարտիրոս, Յարութիւնի կինն՝ Մագդաղին, որդիք՝ Դաւիթ և Պէտրէ, Դաւթի կինն՝ Սաբէդ, որոց ազգական Մարտիրոսի այրի կինն՝ Եղսում, որդի՝ Աղդգօմէլ, դուստր՝ Մարթայ»: Հայաստանի ազգային արխիվ, ֆ. 53, ց. 1, գ. 1383, թ. 1:

1914 թ․

Զուտ վրացաբնակ Ածղվերը 1914 թ. ուներ 455 բնակիչ: