ՀԱՅԿԱԿԱՆ ԲԱՐՁՐԱՎԱՆԴԱԿԻ ՀՈՒՇԱՐՁԱՆՆԵՐԻ ՈՐՈՆՄԱՆ ՀԱՄԱԿԱՐԳ

Չաբինաուր Հուշարձան

Վրաստան (Երկիր) / Կախեթ (Մարզ) / Ախմետա (Շրջան) / Չաբինաուր (Գյուղ)

Տեղադրություն

Գտնվում է շրջկենտրոնից 10 կմ հարավ-արևելք՝ միավորված Օժիո գյուղխորհրդի հետ:

Սամվել Կարապետյան, Հայերը Կախեթում, Երեւան, 2004, էջ 24:

Բնակչություն
1818 թ․

Հայտնի է, որ 1818 թ. գյուղում բնակվում էին 33 շունչ (17 ար. և 16 իգ.) հայեր:

Հայաստանի ազգային արխիվ, ֆ. 53, ց. 1, գ. 2569, թ. 21:

Ըստ ազգատոհմերի պատկանելության՝ ներկայացնում ենք հետևյալ անվանացուցակը. «Վարդանի որդիք՝ Սաքօ և Գիօրգի, մայր՝ Էլէնէ, Սաքօյի կինն՝ Սարրա, դուստր՝ Սաբէդ և Մարտիրոսի այրի կինն՝ Թամար: Վարդանեան Առաքելի որդի Յօհան, կինն՝ Թումիան, որդի՝ Նասղիդ, դուստր՝ Մարիամ: Վարդանեան Առաքելի որդի Փարսադան, կինն՝ Եագունդի, որդիք՝ Մատի և Գօգի, Մատինի կինն՝ Թինաթին և Գօգինի կինն՝ Նաթէլ: Թէլավեցի ջուլհակ Գաբրիէլ, որդիք՝ Յակոբ և Յարութիւն, Յարութիւնի կինն՝ Մայիա, դուստր՝ Սաբէդ: Աթօյի որդիք՝ Աւէտիք և Յակոբ, Աւէտիքի կինն՝ Մարթայ, որդի՝ Գալուստ, Յակոբի կինն՝ Ովսաննա, որդի՝ Սօլօման: Աթօյի որդի Զուրաբ, կինն՝ Անախանում, որդիք՝ Պէպան և Դաւիթ, դստերք՝ Մարթայ և Մայիա»:

Հայաստանի ազգային արխիվ, ֆ. 53, ց. 1, գ. 2569, թ. 21:

Չաբինաուրաբնակ հայ համայնքի պատմության վերաբերյալ այլ տեղեկություններ չունենք: